Хыялда үткән тормыш .
Хикәя .Дәвамы .
Әнисәләр авылына кунакка кайтып ,әти - әнисе белән дә һәм башка туганнары белән дә
танышып килгәннән соң Саид
үзенең агасына да ,шулай ук
Төркиядә яшәп ятучы әти - әнисенә дә үзенең Әнисәгә өйләнергә тәкьдим ясаячагын
белгертеп куйды .Менә бу елны укып бетергәч ,җәйгә никах туена әзерләнә торырга
кушты .Сабантуйлары тирәсе
булыр Алла боерса диеп тә өстәп куярга онытмады .Алар
Әнисә белән дә шулайрак сүз куештылар .Менә Сабантуена
бергәләп кайтып никах та укытып килерләр Алла боерса.
Тик, Саидның әниләре генә кайта алмас инде ,агалары булыр .Менә шулай кайнар уй
хыяллар белән ,эшләп тә ,укып
та яз да якынлашты .Менә хәзер укуда имтиханнары да башланырга тиеш .Ел буе алган дин сабагы белемнәрен
яңадан кабатлап ,аятьләрен ятлап ,көннәрнең үткәне тоелмый да ага гына .Әз генә буш вакытлары булу белән Энҗе белән Әнисә имтиханнар
бирергә әзерләнделәр .
Аларның тырышлыклары бушка китмәде ,икесе дә зачет һәм дә имтиханнарын гел яхшы билгеләренә биреп уңышлы гына өченче курска күчтеләр.
Алда көтеп алынган җәйге каникул яллары көтә .Тик алар
бит әле эшлиләр дә .Укулар тәмамлангач аларның эштән соң вакытлары күп .Ял итәргә дә ,шулай ук өй эшләрен карар
өчен дә .
Әнисә абыйсы янына барып киңәшеп тә алды .Әтиләргә никах турында әйтсәк ни диярләр икән диде .Абыйсы аны юатып ,сеңелем син алай борчылма әле .Әтиләр дә мин дә хәзер күреп беләбез ,бергә кайтып никах укытып килергә
булыр диеп Әнисәне юатты.
Алар бергәләп авылга кайтып
җыйнак кына никах та укытып
килделәр .Әнисәләр яши торган баракта бер буш бүлмә
бар иде ,шуны җыештырып ,
юып чистартып ,алар шунда яши башладылар .Ә Энҗе бер үзе генә яшәмәс өчен тагын бер авылдаш кызны өйдәш итеп алды .Алар икесе яшиләр
хәзер бер бүлмәдә .
Матур гына яшәп ятканда яшьләр арасыннан көннәрдән
бер көнне кара тасма шиге үтеп керде .Бу вакытта инде аларның укулары да бетәр көннәр якынлашкан иде .Биш ел тезелешеп артта калган .
Кулда Мөхаммәдия Мәдрәсәсе
бетереп ,гарәп телләрен укыта
алучы белгечлек алган көннәр
иде бу .Әнисәнең дә инде йөклелек чоры яртысын узып бара .Саид та кая басарын белми Әнисәсен кадерләп кенә
торган көннәр иде бу .Менә малай алып кайтсак ,аннан әниләр янына Төркиягә безгә китәбез яшәргә диде ул Әнисәгә .Әнисәнең ишеткәне бар иде инде төрлечә сөйлиләр
Төркиядәге тормыш турында.
Янәсе аларның ирләре бер генә хатын белән тормыйлар икән диеп ,ә бит кияүгә чыкканчы бер дә кызыксынмады ул бу турыда.
Мәхаббәтнең күзе сукыр дию
дөрестер инде ул .Әнисә дә ничә ел йөреп тә ,өйләнешкәч ,
никахтан соң гына уйлады бу турыда .Тик әле ишеткәч тә
әлләни ихтибар бирмәде моңа.
Ә менә Саидның малай туса
безнең якка Төркиягә торырга
әти - әниләр янына китәрбез диюе генә сагайтты аны .Аңа
тагын төрле имеш мимешләр дә җиткерә тордылар .Янәсе малайны әтисе үзенә ала икән
дә ,икенче хатын алып тегесен
бикләп тота икән дигән сүзләр
дә ишетелгәләп тора .
Әнисә чын чынлап уйга калды .Саидны ярата бит ул ,ул
да Әнисәсе өчен үлеп тора ,ә
менә нишләп әле ул, малай туса Төркиягә торырга китәбез
дигән сүзне әйтте соң ? Ә кыз туса нәрсә ? Аларда кызларга
берни дә юк шул ,ә малайга бөтен әйбер бар имеш .Ул
бу турындагы шиген Саидка белгертмәде ,үзе генә бу уйлар
белән янып яшәде .
Менә көннәрдән бер көн инде
Әнисәнең бала табар көннәре якынлашкан көннәре иде бу ,
Әнисә дөреслекне үз колаклары белән ишетте һәм
шушы минуттан ук ,ничек каты яраткан булса да ирен кичерә
алмады ,алар никах белән генә яшиләр иде ,араны өзде дә куйды .Алар икесе дә беләләр
бит ,УЗИ да туасы баланың малай буласын .Әнисәнең
елый елый кан басымына кадәр күтәрелә башлады.
Җитмәгәненә әтисендә начар
чир таптылар .Аның хәле көн
дә начарая бара .Әнисә эштән дикрет ялын алгач авылга әтисен карашырга диеп кайтып китте .Ул әтисенең соңгы сулышын алганда да бисмилласын укып ,ясин укып янында булды .Әтисенең алты баланы үстергәнне бусын гына
үстерә алмабызмыни диеп дөньяга тудырган сабыеның укыган бисмиллалары белән
бакыйлыкка күчәсен ул чакта
кем уйлаган соң ? Менә бит ул ничек, Ходай Тәгаләнең эшкәртүе дә була икән .
Әтисен соңгы юлга озатканның унберенче көнендә дөньяга Әнисәнең малае аваз салды .Саидның
нәкь үзе инде менә .Суйган да
каплаган диләр татар халык
мәкалендә ,бер берсенә нык ошаган булсалар .
Дәвамы бар.
Гөлсинә Шакирова.
Присоединяйтесь к ОК, чтобы подписаться на группу и комментировать публикации.
Комментарии 5