📌 Марий Эл Правительствыште Йошкар-Оласе Советский уремыште верланыше 1-ше номеран школын зданийжым шотыш кондымо шотышто совещаний лийын.
🏤Школ олан исторический ужашыштыже шинча да кундемнан тӱвыра поянлыкшылан шотлалтеш. Тудым 1903 ийыште чоҥымо. Зданийын посна конструкцийжым ик гана веле огыл лӱдыкшылан шотлымо, нуным икмыняр гана олмыктымо. Тений пырдыж шелын.
Марий Элым Вуйлатыше Ю.Зайцев школын зданийже шотышто научно-проектный документацийым ямдылаш да, зданийым саклен кодаш манын, эн ончыч шуктышашлык пашам палемдаш кӱштен. Тыгак ешарен: тӱвыра поянлыкым арален кодымо шотышто пашалан шуко окса кӱлеш, проектированийланат кугу тӱткышым ойырыман.
📸 Марий Эл Правительствым Вуйлатышын пресс-службыжын фотожо.
Присоединяйтесь к ОК, чтобы подписаться на группу и комментировать публикации.
Нет комментариев