КУГАРНЯ газет

🇷🇺 Марий Элыш Российын Геройжо Дамир Юсупов толшаш Гражданский авиацийын пилотшо Дамир Касимович Юсупов шке подвигше нерген каласкалышаш. ✈🌾 2019 ий 15 августышто «Уральские авиалинии» компанийын Airbus A321-211 самолётшо кукурузо пасушко шинчын. Тунам самолёт экипажын командирже Дамир Юсупов самолётым экстренно пасушко шынден. Лайнер, чоҥештышыжла, чайке-шамыч тӱшкаш логалын, тидлан кӧра самолётын кок двигательжат пашам ыштымым чарнен да йӱлаш тӱҥалын. Тунам ик еҥат эмганен огыл, бортышто улшо 233 еҥ чыланат илыше кодыныт. Тидын нерген «На солнце, вдоль рядов кукурузы» лӱман фильмымат войзеныт.

🎈👠11-15 августышто Кабардино-Балкарийыште Нальчик олаште инвалид коляскыште улшо ӱдыр-влакын «Покорители Вершин-2024» моторлык да талант конкурсыштын финалышт эртаралтын. 💯Тушто Марий Эл гыч Марина Беляева, Наталья Ошаева да Анна Матвеева таҥасеныт. Нунылан организатор-влак мотивационный вашлиймашым, фотосессийым ямдыленыт. 💃Ӱдыр-шамыч ты конкурсыш логалаш Марий кундем нерген видероликым ямдыленыт. А таҥасымаште шке выступленийыштым шке калыкын вургемже дене ончыктеныт. 🎉Конкурсышто Наталья Ошаевам «Мисс очарование» титул дене палемденыт. Анна Матвеевалан «Ончышо-влакын призыштым» да «Леди Стиль» лӱмым пуэныт. А Марина Беляевам «Леди Креатив» номинацийыште акленыт.

Морко районышто интеллектульный модмашын кокымшо туржо лийын. Тиде гана тудо Кугу Шале ялыште эртаралтын, Морко районын 100 ияш лӱмгечыжлан пӧлеклалтын. Модмашым Мер Каҥаш ден Марий калык конгресс эртареныт. Вес тур октябрьыште XII Марий калык погын вашеш лийшаш, а иктешлыше тур - декабрьыште Марий тиште кече вашеш. 📷Э.Иманаевын VK-се лаштыкше гыч налме фото-влак.

👩‍⚕️🚑 Кодшо арнян «Таза республик» проект координатор-влакын инициативышт почеш Йошкар-Оласе Зарубин уремыште «Тазалык пункт» пашам ыштен. Кеҥеж мучко Марий Эл Республикым Вуйлатышын «Таза республик» проектше дене Йошкар-Оласе калык пайдалана. Тидлан рӱдоласе илалшырак еҥ-шамыч поснак куаненыт, вет нуно кудывечыштак диспансеризацийын икымше этапшым эртен кертыт. Тыгай йӧн вийым да жапым арален кодаш полша. Специалист-влак волонтёр-медик-шамыч дене пырля 4 шагат жапыште 87 пациентым терген лектыныт. 🖇Марий Эл Республикым Вуйлатышын «Таза республик» проектше да «Тазалык пункт» акций нерген Тазалык аралтыш министерствын официальный лаштыкыштыже да соцкыллаште пален налаш лиеш.

Таҥасымаш 🥊 25 августышто Чарла кремльыште «Mari Fighting Championship» ММА (смешанные боевые искусства) турнир кава йымалне турнир икымше гана эртаралтеш. Тышке Российын тӱрлӧ олаж гыч спортсмен-влак ушнат. Чылаже 10 кредалмаш лиеш. Таҥасымаш 15 шагатлан тӱҥалеш. Ончаш толаш кумылан-влакым яра пуртат.

У Торъял районлан - 100 ий. Пайрем деч ончыч. И.Речкинын фотожо-влак.

Козьмодемьянск ялыште - тымык Марий Эл Республикыште Козьмодемьянск лӱман ола веле огыл, тыгак изирак ялат уло. Тудо Советский районышто верланен, Михайловский ял шотан илемыш пура. Ты ял мо дене чаплана? Кӧмыт тушто илат? Могай сомылым шуктен шогат? Йодышлан вашмутым кычалаш манын, Козьмодемьянскыш пурен лекна. Козьмодемьянск ял Михайловка деч кечывалвелышкыла 3 меҥге ӧрдыжтӧ верланен. Ялыш пурымаште нимогай указателят уке. Тора гыч икмыняр сурт койын шинча, урем покшеч ошкыл лекташ корныжат уке, чыла кужу шудо дене кушкын пытен. Йӱк-йӱанат огеш шокто, ик пият ок опталте. Але вара тыште икта ток иле? Теве вате-марий машина дене кудал тольыч. Тиде Раисия ден Геннадий Гавриловмыт мӧҥгышт пӧртылыныт. Нунак ял илыш дене палымым ыштышт. Козьмодемьянск ял ик уреман. Уло яллан ныл сурт. Тулыкеш кодшо пӧрт-влакат улыт, нуно поснак шӱлыкан кумылым «шочыктат». Ялыште Кавказинмыт, Машинмыт, Смирновмыт да Гавриловмыт еш-влак илат. Телылан Кавказинмыт тышеч каят, а кеҥежым ялыште мӱкшым ашнат, Гавриловмытынат мӱкшышт уло, Смирновмыт шӱйым ыштат, Виталий Машин – сулен налме канышыште. Умбакыже... https://кугарня24.рф/kozmodemyansk-yalyshte-tymyk/

Ракетым космосыш ужата 🚀 Провой кундемысе «Движение Первых» толкынын активистше Константин Павловлан Байконурышто космический ракетым колтымым ужаш пиал шыргыжалын. Российысе «Космическая экспедиция Первых» проектын конкурсыштыжо тунемше-шамычлан тестированийым эрташ да орбитыште космос шӱкым кораҥдыме шотышто усталык проектым возаш темлалтын. Нунын пашаштым Д.Ф.Устинов лӱмеш «Военмех» Балтий кугыжаныш технический университетын экспертше-влак ойырен налыныт. Константин 88 финалист семынак проектын кок этапшым сайын эртен да «Байконур» космодром гыч ракетым колтымашке миен толаш тӱҥ призым сеҥен налын. 📸 Марий Элысе Образований да науко министерствын «Вконтакте» тӱшкаж гыч налме фото.