Оршанке район Изинур ял воктене Ошла эҥерыште водохранилищым 2024 ий 31 октябрь марте эрыктен шуктышаш улыт.
Ты паша «Экологий» нацпроектын «Сохранение уникальных водных объектов» федеральный проектше почеш шукталтеш. Тидлан Росводресурс 43,9 млн теҥгем ойырен. Проект почеш вӱд пундаш гыч 75,5 тӱжем кубометр тӱрлӧ торым, вӱдшудым лукшаш улыт.
Тушто паша кузе кайымым Марий Эл Правительстве Председательын алмаштышыже Д.Троицкий, Росводресурсын Верхне-Волжский БВУ-жым вуйлатыше А.Баринов, Марий Элысе пӱртӱс, экологий да йырверым аралыме шотышто министр А.Киселев вашлиймаште каҥашеныт.
Нуно тыгак Бассейновый советым эртарыме йодышым тарватеныт. Тудо Йошкар-Олаште сентябрьыште лиеш.
📷 Марий Эл Республикым Вуйлатышын пресс-службыжо.
Присоединяйтесь к ОК, чтобы подписаться на группу и комментировать публикации.
Комментарии 1