Кызыт кундемыштына ятыр еҥ кугымӧрым шуко ончен кушта. Теве Морко посёлкышто илыше Дмитрий Никифоров ты сомылым икмыняр ий вораҥдара. Опытшат шагал огыл погынен. Адакшым ешартыш оксам ыштен налаш лиеш манеш.
Тудын ойлымыж почеш, мланде пашалан шукертак кумылаҥын. Тидлан лӱмын идалык наре Краснодар кундемыште шинчымашыжым нӧлтен. А кугымӧрым изиж годсек йӧрата. Садлан ты сомылым виктараш тӱҥалмаште иктыже весыжым кумдаҥдаш веле полшен. Рвезын 15 гектар мландыже уло. Тушечын 1,5 гектар кумдыкыштыжо кугымӧрым кушта.
– Дмитрий, пакчаштет могай сорт кугымӧрым куштет? Нуно икте-весышт деч мо дене ойыртемалтыт?
– Тӱҥ шотышто Клери, Азия, Альба, Мальвина сорт-влак улыт. Ончыч ятыр тӱрлӧ сортым куштенна, но кундемнан климатшылан келшышыжым веле коденна.
Присоединяйтесь к ОК, чтобы подписаться на группу и комментировать публикации.
Нет комментариев