Предыдущая публикация
Бітва пад Палонкай, 1660.
Бітва пад Палонкай 28 чэрвеня 1660 года — бітва вайны з Масковіяй 1654-1667, якая адбылася каля беларускага сяла Палонка. Гэта паваротны момант "Крывавага Патопу", што захліснуў Рэч Паспалітую Трох Народаў.Паваротны момант у самай крывавай вайне за ўсю гісторыю Беларусі (па ўсходніх ваяводствах людскія страты склалі да 70%). Пасля гэтай перамогі пачалося вызваленне захопленых беларускіх зямель.Войска Рэчы Паспалітай — ВКЛ (8000 чал.) і Польшчы (4000 чал.), якое ўзначальвалі вялікі гетман Літоўскі Павел Ян Сапега і ваявода Рускі (кіраўнік Рускага ваяводства ў Каралеўстве Польскім) Стафан Чарнецкі, разграміла 20-ці тысячную маскоўскую армію.У бітве пад Палонкай прымаў удзел легендарны шляхціц Аршанскі — Самуіл Кміціч, "генеральны палкоўнік" дывізіі Сапегі, які з'яўляўся правобразам галоўнага героя рамана Г. Сянкевіча "Патоп"Становішча на франтах вайны да пачатку бітвы — маскоўскае войска захапіла ўсю тэрыторыю ВКЛ, акрамя Слуцка і Ляхавіч.Вынікі бітвы — поўны разгром маскоўскага войска. Страты арміі Сапегі 300 чалавек, супраціўніка — 3500. Вызвалены заходнія землі ВКЛ. Маскоўскія войска ў Навагрудку і некаторых іншых гарадах капітулявалі адразу, а ў Берасце, Гародні і Вільне — пасля адна-двухгадовых аблог. Рух польска-літоўскай арміі быў спынены толькі пад Барысавам.Вайна да поўнага вызвалення краіны працягвалася яшчэ доўгіх сем год.У 1994 годзе быў усталяваны знак (каменны валун) у памяць пра адну з галоўных бітваў у нашай гісторыі. Помнік асвяцілі двое святароў — праваслаўны і каталіцкі.
Следующая публикация
Комментарии 1