27 чэрвеня.
1697 - Каралём Рэчы Паспалітай і вялікім князем ВКЛ абраны Аўгуст II Моцны (1696-1733 гг.).
1909 - Нарадзіўся Сяргей Знаёмы (сапр. Клопаў Сяргей; в. Звонь, цяпер Ушацкі р-н), пісьменнік, вязень савецкіх канцлагераў. 22 студзеня 1944 г. уцёк з Паўночна-Усходняга лагеру, далейшы лёс невядомы.
1919 - У в. Бігосава (цяпер Верхнядзвінскі р-н) бальшавікамі расстраляны Міхаіл Буклярэвіч, рымска-каталіцкі святар, грамадскі дзеяч.
1933 - У в. Мінявічы (цяпер Мастоўскі р-н) самагубствам скончыў жыццё Міхась Явар (сапр. Карась), паэт, удзельнік Беларускай Сацыял-Дэмакратычнай Грамады, Таварыства Беларускай Школы. Пахаваны ў Навасёлках (цяпер Мастоўскі р-н).
1941 - У Віцебску НКУС распачаў масавыя расстрэлы палітвязняў (усяго за тры дні было забіта каля 2 тысяч чалавек).
1944 - У Менску прайшоў Другі Усебеларускі кангрэс, скліканы Беларускай Цэнтральнай Радай. Удзельнічала 1039 дэлегатаў. Кангрэс аб'явіў Беларускую Цэнтральную Раду адзінай легальнай уладай у Беларусі.
1989 - У Менску прайшоў Устаноўчы з'езд Таварыства Беларускай Мовы імя Францыска Скарыны.
Присоединяйтесь к ОК, чтобы подписаться на группу и комментировать публикации.
Нет комментариев