Կներես մամ ջան, որ չեմ գա էլ ետ,
Սիրտս խոցվել է թշնամու սրից,
Թող որ արցունքոտ չլինեն աչերդ,
Կարոտը՝անխիղճ,հանի՛ր քո սրտից:
Ես իմ հոգին եմ իմ երկրին տվել,
Եվ իմ արյամբ եմ հավետ սրբացել,
Ու երբ աչերդ նայեն երկնքին,
Հիշի՛ր, որ փառքով է պսակվել քո որդին:
Կներես մամ ջան, որ չեմ տեսնի էլ քեզ,
Կներես ամեն մի արցունքիդ համար,
Ոսոխ թշնամին բաժանել է մեզ,
Չեմ կարող կիսել ցավդ անհամար:
Բայց չէ որ մամ ջան դու ես ինձ դասել,
Որ հայրենիքն էլ է մեր մայրը խոնարհ,
Նա էլ է ինձ գրկել ու սիրով պահել,
Ու հիմա արնոտ կուլա ինձ համար:
Մամ ջան դու հիշի՛ր քո զինոր որդուն,
Ու միշտ վառ պահիր ճրագը մեր տան,
Ես էլ կլինեմ սփոփանք քո հոգուն,
Ու քեզ երկնքից կլինեմ պաշտպան:
Նվիրվում է զոհված
Հայ զինվորների հիշատակին։
Աստված ձեր հոգիները թող լուսավորի։
Աղվան Հարությունյան
Агван Арутюнян
Присоединяйтесь к ОК, чтобы подписаться на группу и комментировать публикации.
Комментарии 11