Предыдущая публикация
Пайғамбарлар үмметтеріне тіліне сақ болғандар да жәннатқа кіреді деп сүйіншілеген.
Исадан (Алланың оған сәлемі болсын): «Ей, Иса (Алланың оған сәлемі болсын) бізге жәннатқа алып баратын амалды көрсет», - дегенде, Иса (Алланың оған сәлемі болсын) үмметтеріне: «Еш сөйлемеңдер», - деді. Үмметтері: «Біз сөйлемей жүре алмаймыз», - дегенде: «Олай болса, тек қана жақсы сөз сөйлеңдер», - деп бұйырды.
Сүлеймен де (Алланың оған сәлемі болсын) адамдарға: «Егер сөйлеу – күміс болса, сөйлемей тыныш тұру – алтын», – деп түсіндірді. Сол сияқты адамзаттың асыл тəжі Пайғамбарымыз Мұхаммедке (Оған Аланың игілігі мен сәлемі болсын) бір кісі келіп: «Ей, Мұхаммед (Оған Алланың игілігі мен сәлемі болсын) маған, мені жәннатқа кіргізетін амалдарды айт!», – дегенде: «Аш қалғанға тағам, шөлдегенге сусын бер, жақсылыққа бұйыр, жамандықтан қайтар. Егер бұған да шамаң келмесе, онда жақсы сөз айт, жаман сөзден тіліңді сақта»,-деген екен.
«Адамның жүрегі қазан болса, тілі шөміш». Жүректе не нәрсе болса, тілі соны сыртқа алып шығады, дегендей осы Рамазан айында жақсылықтар жасауда жарысып, бос сөз, бос уақыт өткізгенше, Əлемдердің Раббысы Алланы еске алумен истиғфар, дұғалармен өткізуге асығайық!!!
© Бекмағанбетұлы Бекқожа
Следующая публикация
Нет комментариев