Предыдущая публикация
Гоҳ ҳамин рӯзгор ташна кунад обро,
Гох зи чашмони хоб ӯ бибарад хобро.
Гоҳ саморо ба рӯз тира намояд чу шаб,
Гоҳ кунад ҳамчу шед оншаба маҳтобро.
Гоҳ намояд камӣ умри гаронат ба чашм,
Гоҳ таваллои марг мекунӣ Арбобро.
Гоҳ ту баҳри яке мехарӣ асбоби дафн,
Гоҳ яке баҳри ту мехарад асбобро.
Гоҳ ба бетобиҳо зиндаги тобад диҳад,
Гоҳ ба самти дигар тоби ту ҳар тобро.
Фош бигӯ, Ҳотамӣ, мардуми дунё чаро
Менакунад шодмон як дили зардобро?
Ғайратҷон Ҳотамӣ
Следующая публикация
Нет комментариев