Предыдущая публикация
Ойлон.
Ойгон. Ажылык — арабдарды алтын унитаздуу кылууда...
“Акчаң болсо ажыга сен да бармаксың” дейт бирөө. Жок. Ажылык сапарга баруу үчүн кеминде 4-5 миң доллар керек. Эгер менин колумда ушундай акча болсо, туристтик кампанияны байыткандан көрө дары-дармекке акча таппай сандалган бейкүнөө баланын дарылануусуна, өмүрүнө бергеним миң эсе артык болмок. Мен үчүн ушул ажылык.
Адамдын ички ою, жан дүйнөсү тазаланбаса, акылы жетилбесе, тообого келбесе миң жолу ажыга барып келсен да пайда жок.
Баргыча “олуя” кейпин сактап, элге келгенден кийин кайра баягы “ибилис” абалына кайтса, анын эмнеси ажылык?
Төбөмдү бир көрсөтүп келсем болду, күнөөлөрүм кечирилип калды деп жатышабы?
Азыр ажылыкка баруу илгерки ата- бабаларыбызга окшоп 5 жыл оор жолдон өтүп, жан азабын тартып, жол азабын тартып барып келүү эмес, кудага барып келүү менен бирдей болуп калды.
Түшкөндөрү самолёт, жаткандары этаж, этаж үч маал тамагы менен отель, колдорунда телефон, түшкөндөрү сүрөт менен видео...
Айткым келген нерсе, азыр биздин элибизде, жаман ооруга, бөйрөк, ак кан оорусуна чалдыккан ж.б. түрлүү ооруларга чалдыккан балдар, адамдар көп. Ошолордун эм-домуна берип, өмүрүн сактап калса мындан өткөн сооп иш, мындан өткөн чоң ажылык болмок эмес.
Следующая публикация
Комментарии 56