Предыдущая публикация
Висолдек олис,
Олис йўллар юракдан ўтган!
Бир инсон бор, балки билмассиз,
Сизни жуда соғиниб кетган!
Бир инсон бор, девона шоир,
Шеърларига дардини айтган!
Бардошига қоласиз қойил,
Сизни жуда соғиниб кетган!
Мум тишлаган, овозин ютиб,
Яратгандан илтифот кутган.
Жим дунёдан бормоқда ўтиб,
Сизни жуда соғиниб кетган!
Қизиқ эмас унга не аҳвол,
Армонларни бўғзидан тутган!
У учун бор биргина малол,
Сизни жуда соғиниб кетган!
Ют десангиз, уммонни ютиб,
Чўк десангиз, тубига етган.
Азоблари жонидан ўтиб,
Сизни жуда соғиниб кетган!
Сизни жуда соғиниб кетган...
Малика Тавфик..
Присоединяйтесь к ОК, чтобы подписаться на группу и комментировать публикации.
Нет комментариев