#Uzbekistan #ProfessionalBoks #Murodjon
26 aprel kuni AQShda meksikalik Karlos Karlsonni mag‘lub etib, WBA reytingida peshqadamga aylangan o‘zbekistonlik Murodjon Ahmadaliev o‘z vazn toifasidagi Jahon chempioni hisoblangan Daniel Romanni ringga chaqirdi.
- Jangimdan so‘ng Roman-Doheni bellashuvini tomosha qildim. Roman va uning jamoasi aynan menga tegishli WBA unvoniga asosiy da’vogar bo‘lib turganimni qabul qilmayotgan bo‘lishsa-da men ularning birlashishiga qarshilik ko‘rsatmadim. Lekin endi bunday bo‘lmaydi, himoyalanish vaqti kelganini eslatib qo‘ymoqchiman. Deni Doheniga qarshi jangda o‘zining shiddat va xarakterini yaqqol namoyon etdi. Jang haqiqatan ham zo‘r bo‘ldi. Ammo endi ikkimiz uchun ham haqiqiy sinov vaqti keldi. Men tayyorman, umid qilamanki, u ham. Haqiqiy meksikalik mardlar qiyinchilikdan qo‘rqishmaydi. Biz ikkimiz sentyabrda haqiqiy jang oqshomini ko‘rsatib, barchaga kim kuchli ekanini ko‘rsatib qo‘yamiz.
Ma’lumot uchun, Daniel Roman 26 aprel kuni super o‘rta vazn toifasida IBF kamari uchun irlandiyalik Terens Jon Doheniga qarshi o‘tkazilgan jangda raqibidan ochkolar hisobiga ustun keldi.
Shuningdek, 28 yoshli bokschi faoliyati davomida 30 ta jang o‘tkazib, shulardan 27 tasida g‘alaba qozongan (10 tasi nokaut). Shuningdek, uning hisobida 2 ta mag‘lubiyat va 1 ta durang ham bor.
Uzbek Tigers
Присоединяйтесь к ОК, чтобы подписаться на группу и комментировать публикации.
Комментарии 5