Бу шигырьнең тулы вариантын куям
ЯЛГЫЗ АНА СЫМАН ГАЗИЗ АВЫЛ
Шатланып, сөенеп Авылкай
Балалырын көтә куанып.
Кайталар якыннан, ерактан,
Кайталар жыелып кунаклар.
Кайталар матурлар, чибәрләр,
Кайталар төзәнеп, буянып,
Ә Авыл шатлана юанып:
Югалмаган, диеп, балалар,
Йоталмаган, диеп, калалар,
Сагынып кайталар, дип алар,
Туган авылларын -Анасын,
Көтә авыл һәрбер баласын.
...Балалары кайта чыннан да,
Уңнан да сулдан да -- мулдан ла:
Соңгы мода кием кызларда,
Кәттә машиналар улларда,
Мактап жырларлык бар жырларда.
Ялгыз ана кебек карт Авыл
(Йөрәгендә бар шул бер давыл)
Кыенсына алар кайтканда,
Чүп үләнгә батып ятканга,
Урамнары билдән печәндә,
Көче житми, ничек көчәнмә...
Жимерек коймалардан ояла,
Күз яшьләрен янә тыялмый,
Күңеленә сагыш сыялмый.
Күпме йортлар яши бикләнеп,
Хатирәләр белән мүкләнеп...
Мәктәбе дә әнә йозаклы,
Бетәр өчен шушы тозакмы?
Китапханә гөрләп эшләгән,
Кая булган икән, нишләгән?
Фельдшеры да юк шул кавемнең,
Кибете дә хәтта авылның.
Гарьләнә дә авыл барсына,
Бар чакларын чиксез юксына.
...Ә балалар кайта жәй саен,
Сайлап алып кояшлы аен.
Борчылмый да, карый үз жаен.
Кунак булып болын- кырында,
Кирәк түгел икән Кырым да,
Саф һавага алар кинәнә,
Ә күңел соң
Сандугач моңына көйләнә.
Очрашалар дуслар-туганнар,
Газиз авылкайда туганнар,
Сыйныфташлар ел да бергәләп,
Очрашалар, күңел -- илгәзәк,
Ә табыннар мулдан -- түгәрәк.
Туган йортның ачып йозагын,
Кабызмасмы диеп учагын
Юкка өмет итмә баладан,
Газиз Авыл,
Балаларың инде -- балаган
Алар кайтып ,
Шайтан суы инде ялаган,
Алып кайтып мулдан каладан.
Жырлап-биеп күңел алдаган.
Чыкканнарын шушы саладан
Булса иде санга санаган,
Берәрсенең бәгырь канаган,
Арындырыйм дисә ярадан,
Табар иде берәр мәшәкать,
Туган авылына мәрхәмәт,
Калган булса әгәр мәхәббәт.
Мондый уйлар кемгә бимаза,
Үз жанкае белән тоймаса.
Авыл --ялгыз Ана, уйласаң,
Ярдәм сорар өчен кыймаса,
Алар киткәч елап туймаса,
Урамында яшьлек урынына
Шайтан таяклары туйласа.
Балалары
Битарафлык белән сыйласа,
Бетү шушы булыр, күрерсез,
"Авылым кайда? -- диеп йөрерсез.
Ә хәзергә
... Ял итә дә, кайтып балалар,
Тиз-тиз генә китеп баралар.
Машинага төяп кирәген:
Каен миллек, гөмбә, жиләген,
Шифа үләннәрен, баланын...
Күңелен күргәч газиз баланың
Шатлыгы зур авыл-Ананың,
Ул сөенеп озатып каладыр,
Йөрәгенә йомган --ярадыр,
Ачынуы соңгы чарадыр,
Авылларга ясин укый-укый,
Бу дөньябыз кая барадыр?
Исеңә ал, газиз каумем,
Женазасы житә авылның.
Ә Зур Сынау тора чиратта,
Соңгы туйлар житкәч, зиратта.
Рафига Усманова
03. 07.2024
Присоединяйтесь к ОК, чтобы подписаться на группу и комментировать публикации.
Нет комментариев