ШАРИЯТ БУЙРУГАНДАЙ АК НИКЕ МЕНЕН ГАНА БАШ КОШКУЛА!
Кыргызстанда, айрыкча акыркы он жылдыкта өтө кеңири таралган, көбүнесе жаштар арасында ата-энеге билдирбестен нике кыйдырып алуу, ошол никенин себебинен жакындыкка баруу, кыздын боюнда болгондон кийин андан жигитти деп атаган бала кача баштоосу, жыйынтыгында кыздын боюнан алдыруусу же төрөп башкаларга баласын кармата берүүсү кадимки көрүнүш болуп калды десем жаңылышпайм. Уулунун үйлөнгөнү же кызынын турмушка чыккандыгы туурасында ата-энесинин эч кандай маалыматы жок. Эң эле өкүнүчтүүсү, мына ушул жигит-кыздар кылып жаткан ишин шариятка туура келет деп ойлоп жасашканы. Бул туура эмес. Күнөөгө батып калбайлы деген ойдо оздорунчо жашыруун нике кыйдырышат. Негизи эле шариятта ушул кылган иштери туурабы?
Алар шарияттын кайсы негизине таянышып бул кадамга барып жатышат? Канчалык деңгээлде шарияттуу?
Шариатта никенин маани-маңызы тууралуу учкай соз айтып кетейин.
Үйлөнүү - Аллах Тааланын окуму. Пайгамбарларынын жана Элчилердин сүннөтү.
Ислам дини - үйлөнүүнү колдойт. Үйлөнүү адамдын табиятынан жана пайгамбарлардын сүннөтү. Пайгамбарлар үйлөнүшкөн, перзент калтырышкан. Мухаммад пайгамбарыбыз (саллаллаху алейхи уа салам) дын пайгамбарчылыгын четке каккысы келгендер, ал кишинин үй-бүлөлүү болгондугун мисал келтиришип четке кагууга аракет кылышкан. Пайгамбарлар үйлөнүүгө болбойт дешип туура эмес пикирде болушкан кээ бир тарых менен динден кабары жоктор.
Аллах Таала алардын пикиринин каталыгын баяндап мындай дейт: "Акыйкатта (оо Мухаммад! ) Сенден мурун да пайгамбарларды жөнөттүк! Аларга жубайларды, перзенттерди бердик!" (Раьд сүрөөсү:38). Мунун мааниси: Оо Мухаммад! Сенин кадимкидей адам болгондугуңа таң кала турган эч нерсе жок. Адамдардын арасынан: "Бул өзүбүзгө окшогон адам экен, ага ыйман келтирбеймин, эгер периште болгондо ыйман келтирээр элем", дегенге эч кимдин таптакыр укугу жок! Биз илгертеден эле периштелерден эмес, кадимки адамдардын арасынан пайгамбар жөнөтконбуз. Сенден мурдагы пайгамбарлардын да адал-жуптары (аялдары), перзенттери бар болгон.
Имам Тирмизи риваят кылган хадисте мындай айтылат:" Төрт нерсе пайгамбарлардын сүннөтүнөн: "Уялуу, жытту атырларды колдонуу, мисвак колдонуу жана үйлөнүү" (1080). Пайгамбарлардын сүннөтү болгон никелешуу биринчи кезекте адамдын табиятына ылайык келээри анык. Ислам дини - толук дин. Исламда адамдын жашоосунда аткарыш керек болгон бардык нерселер ачык айкын айтылган. Кыз баланы ата-энеси гана турмушка бере алат. Ата-эненин кабары жок эле кыз озунчо турмушка чыкса никеси жарабайт. Никеси баатыл эсептелет. Ошондуктан перзент - ата-эненин батасын алып уй-було куруулары абдан зарыл.
Присоединяйтесь к ОК, чтобы подписаться на группу и комментировать публикации.
Нет комментариев