Аз сабаби он ки духтар бо хоҳиши модараш нею бо майли дили худ ба дӯстдоштааш хонадор шуд , модар норозӣ буд
Домод коргари оддӣ , хоксор , соддадил ва меҳнатдӯст буд . Ӯро хушдоманаш бо ҳама ингуна сабабҳо ба духтараш ки маълумоти олӣ дошт ва умуман ба оилааш муносиб намедонист . Аммо Андрей ва Катя худро хушбахт медонистанд.
Катя телевизор тамошо мекард ва модараш чун доимӣ дар ошхона машғули корҳои доимияш буд.
Вақте домодаш аз кор ояд аксаран худаш ба домодаш Андрей чою хурок омода мекард.
Аз яхдон шӯрбои ду - се рӯзаро гирифта гарм карда мемонд , катлетҳои пештараро ки барояш маъқул набошад, пеши Андрей мемонд ,бо кампот ё соки хунук , домодаш ҳамаи онро боиштиҳо ва оромона мехурд ва доимо мегуфт "Раҳмат хело бомазза шудааст"
Хушдоман бо ин суханҳои пурмеҳри миннатдоронаи домод дилаш нарм намешуд.
Чизе намегуфт . Андрей шояд бо содда буданаш ба ҳолати хушдоманаш сарфаҳм намерафт .
Инак ин рӯз ҳам барои домодаш хуроки шомро дар руи мизи ошхона , омода намуд . Катя аз кор омадаю танҳо чой нӯшида истироҳат дошт ва телевизор тамошо мекард.
Карамшӯрбое , ки бо зиёд карамашро пухтан ва ё дар яхдон ду се рӯз истоданаш ҳатто рангаш равшан ҳам набуду ба кадбону маъқул набуд , барои Андрей таъоми иншаба буд . Андрей хӯрокро боиштиҳо хӯрду бо як пора нон чун одати доимияш косаро тоза карда хӯрд . Ва бо оҳанги нарм ва хело миннатдорона гуфт ;
- Ин хел хӯроки бомаззаро ҳаргиз нахӯрдаам , раҳмат ! Ташаккур! Ман ду сола будам аз модар маҳрум мондам , модарам бечора мурду маро ба хонаи бачаҳо доданд ва онҷо ҳарчӣ бошад ҳамонро мехӯрдем . Аммо чунин карамшӯрбои бомаззаро он ҷо ҳеҷ нахӯрдаам . Шумо ба ман доимо хӯрокаҳои нағзро пешкаш мекунед . Раҳмат "
Бо ин гуна сифатҳои хуб баҳодиҳии домод дастҳои хушдомани бадбин ба ларзиш омад , дили сангинаш ба ҳаяҷон ва қалбу виҷдонаш такон хӯрду ашк аз чашмонаш берун шуд . Андрейи ҳайратзада аз вазъи якбора рухдода аз ҷояш хеста хушдомани гирёнашро ором намудан хост . Ҳайрон буд чаро чунин ҳол рух дод ? Ва сари хушдоманашро ба китфаш монда Катяро ҷеғ зад , баъдан оҳиста ба занаш гуфт ;
- Модарат чаро гиря кард ? Шояд аз ман хатое гузашт ?
Ҳамин тавр Андрейи соддадил ҳаргиз пай набурд , ки чаро он лаҳза хушдоманаш гирист ва чаро баъди он, барояш таъомҳои бомазза пешкаш мекунанд , чаро барои ӯ чун дар рӯзҳои аввал, дар зарфҳои оддӣ не , балки дар зарфҳои қадимаи босифат таъом мекашанд ... Ӯ пас аз он ҳам сабаби муносибатҳои мухталифро дар хушдоманаш дарк накард . Ҳоло онҳо ба зиндагии оилавияшон бист сол пур мешавад
Оддӣ буд ва оддию меҳрубон аст Андрей чун одати доимияш.
Мо мардуми латиф гоҳо ба мардум ва хислати одамон зуд сарфаҳм намеравем.
Аммо мо - бонувон бадхоҳу бадбин нестем . Ин аз он ки зуд наметавонем гоҳо муҳитро базудӣ дарк намоем . Баъдан аз хатои худ пушаймон гардида ашк мерезем ва бо роҳи дилу дида маъзарат мехоҳему хушрафторӣ менамоем то ки ҳама саҳви моро атрофиён фаромӯш намоянд . Ва самимияти худро дар зиндагии атрофиён ҷорӣ менамоем ....
А . В. Кирянова
Тарҷимаи Маъсумаи Бобокалон барои шумо
Присоединяйтесь к ОК, чтобы подписаться на группу и комментировать публикации.
Нет комментариев