Хоб кардан дар саҳаргоҳон нишони ғафлат аст........
Ассалому алайкум........
Саҳар бархезу тоат кун, ало эй дӯст,
Зи таҳти дил ибодат кун, ало эй дӯст.
Агар хоҳӣ саодатманд гардӣ ту,
Ба волидайн хизмат кун, ало эй дӯст.
Гар аз дастат биёяд, ҳар шабу ҳар рӯз
Ба дилбардорӣ одат кун, ало эй дӯст.
Саховат баски дафъи ҳар бало бошад,
Ба мӯҳтоҷон саховат кун, ало эй дӯст.
Ятимонро маёзору навозиш кун,
Ба онон раҳму шафқат кун, ало эй дӯст.
Калиди некбахтиҳо адолат аст,
Ба тобеон адолат кун, ало эй дӯст.
Чу шоҳон сояи Ҳақ дар замин ҳастанд,
Ба шоҳи худ итоат кун, ало эй дӯст.
Гиромӣ аст чун модар Ватан бар кас,
Ба ҳифзи он матонат кун, ало эй дӯст.
Агар хоҳӣ, ки гардӣ оқилу доно,
Бар олимҳо рафоқат кун, ало эй дӯст.
Ширин бошад зибаски меваҳои сабр,
Ба ҷабри илм тоқат кун, ало эй дӯст.
Нишони одамият чун диёнат аст,
Гар инсонӣ, диёнат кун, ало эй дӯст.
ҒАЗАЛИ Расули АҲМАДЗОД
СУБҲАТОН ПУР АЗ САФО ВА РӮЗАТОН ҒАРҚИ ХУШИҲО !
🌿🌿🌿⚘️⚘️⚘️🌿🌿🌿⚘️⚘️⚘️🌿🌿🌿⚘️
Присоединяйтесь к ОК, чтобы подписаться на группу и комментировать публикации.
Комментарии 96