(Чапмуро)
Мутшо – Зоя Дудинан, Семже – Сергей Маковын.
Ме шуко лектын коштынна йот элыш,
Ме шуко йӱштӧ-шокшым шижынна.
Но толынна эре Пикша вӱд серыш,
Кукнурышко ӱжеш уэш чонна.
Припев:
Кукнур – чон рӱдӧ кумылна,
Кукнур – куан ден ойгына,
Кукнур – ача ден авана,
Латшым ияш чевер таҥна,
Кукнур - йӧратыме элна.
Немда эҥер дек, Чумбылат кундемыш
Ме илыш йӱштым шижын вашкена.
Эшполдо, Ямакай, Пивлат уремыш
Ӱжеш кугезына дек вашкылна.
Припев:
Кукнур – чон рӱдӧ кумылна,
Кукнур – куан ден ойгына,
Кукнур – ача ден авана,
Латшым ияш чевер таҥна,
Кукнур - йӧратыме элна.
Саман торжа, а ӱмыргорно кӱчык,
Лач ик куан – вуча мемнам паша.
Ок лӱдыктӧ у сеҥымашын кӱкшыт,
Кукнур чыла чытен лекташ полша.
Припев:
Кукнур – чон рӱдӧ кумылна,
Кукнур – куан ден ойгына,
Кукнур – ача ден авана,
Латшым ияш чевер таҥна,
Кукнур - йӧратыме элна.
Присоединяйтесь к ОК, чтобы подписаться на группу и комментировать публикации.
Комментарии 2