Торъял кундемын шочшыжо Владислав Шабалин - Чисола веҥе.
Кажне кечын йӱклаш лиеш. Тудо кызыт - ончылно улшо вич еҥ колаште.
https://trurez.ru/vote#rec514291242
Эн тӱҥжӧ – таза илыш-йӱлалан кумылаҥдаш»
Российыште «Твой выбор – ФСК» проект дене келшышын, «Лучший спортивный лидер» конкурсышто Марий Эл гыч Советский район администрацийын молодёжный политике, физический культур да туризм йодыш дене отделжым вуйлатышын алмаштышыже Владислав Шабалин участвоватла. Владислав Вениаминович кокымшо этапыш эртен. Тушко 30 еҥым ойыреныт, 2-шо этап 30 ноябрь марте шуйна. Владислав Вениаминович верч кажне кечын йӱкым пуаш лиеш.
Спорт да физкультурым илышыш шыҥдарыме, самырык тукымым, калыкым таза илыш-йӱла верч кумылаҥдаш тыршыше чолга пӧръеҥын, чынжымак, ты аланыште надырже кугу. Шкежак тӱрлӧ спорт мероприятийыште вийжым терга.
Мутлан, тений Сочиште эртыше корпоративный модмаште (тудыжо 28 сентябрь гыч 2 октябрь йотке эртен) «Акашевский» футбол команде 2-шо лийын, а Владислав Шабалин 100 метр кужытыш куржталмаште 1-ше верым налын.
Тыгай модмаш Россий президент Владимир Путинын шукырак калыкым физкультур ден спортлан кумылаҥдаш манын палемдымыж дене келшен толеш. «Демографий» национальный проектын кышкарыштыже «Спорт – илышын нормыжо» федеральный проект илышыш палынак шыҥдаралтеш, вет 2030 ийлан элыштына 70 процент калык таза илыш-йӱлалан кумылаҥшаш. Ты шотышто кундемыштына сай паша ышталтеш.
Советский районысо «Акашевский» сурткайык фабрикыште «Акашевский» физкультурно-спорт клуб почылтын.
– Тушко коштшо ӱдырамаш, пӧръеҥ-влаклан республикнан икмыняр спорт объектышкыже яра кошташ, паша деч вара капкылыштым лывырташ, тазалыкым пеҥгыдемдаш йӧн пуалтеш, – манеш Владислав Вениаминович. – Пашаштат эн тӱҥлан шукырак калыкым физкультур ден спортлан кумылаҥдымашым шотлем. Таче кечылан иктаж шудӧ еҥ тыршенак тренироватлалтеш. Кажныже шкан келшыше видым ойырен, а Александр Воробъёв эсогыл народный жим дене Российын спорт мастерже нормативымат шуктен. Куандара, кажныштын могай-гынат результатышт уло. Мутлан, пытартыш жапыште скандинав коштмаш илышыш палынак шыҥдаралтеш. Ты вид дене эртаралтеш республик кӱкшытан таҥасымаште «Акашевский» команде ик эн ончылно.
Такшым энтузиаст-спортсмен, физкультурник-шамычлан ӧраш да куанаш гына кодеш, вет кеч-могай кӱкшытан спорт мероприятийлаш участник-влакым чумыраш, нуным кумылаҥден мошташ, манаш веле!..
Кӱкшытшат всероссийский. Владислав Шабалин 2013 ий гыч кажне ийын командым ГТО фестивальыш коштыкта. Икымше гана Москошто, Йошкар площадьыште, эртыше фестивальыште Марий Элын чапшым Ургакш лицейыште тунемше-влак араленыт, 2-шо верыш лектыныт. Тыгай сынаныштак Рязаньыште, Шумерляште да моло кундемлаште эртаралтше ялысе команде-влак коклаште сборный эреак, манаш лиеш, призёр радамыш логалеш.
Призывник-шамыч коклаште эртаралтше всероссийский спартакиадыштат, Юл кундем федерал округышто кажне ийын вийыштым тергат, регионнан чапшым аралат да сай результат дене пӧртылыт.
Всероссийский ялысе кеҥеж модмашын регионал этапышкыже Советский район гыч кумылан-влак ятырак ушнат, команде эреак сеҥыше коклаш логалеш да Россий кӱшытыштӧ ойыртемалтыт. Поснак Таныгинмытын ешыштым палемдыман. Ончыч еш команде дене, а варажым механизатор коклаште вий-куатыштым тергеныт, мастар улмыштым ончыктеныт. Александр Андреевич Таныгин шкеак чыла шотышто пример семын палемдалтеш, Алёна ӱдыржат регионнан чапшым сайын арален.
Тений 26-31 июльышто Омск областьыште XIII Всероссийский ялысе кеҥеж спорт модмаште Марий Элын командыже шке тӱшкаштыже (250 тӱжем еҥ деч шагарлак илыман кундем коклаште), икымше верыш лектын.
Кодшо ийын пашам ыштыше-влак коклаште всероссийский Спартакиадыште Марий Эл гыч сборный чыла команде коклаште 13-шо верыш лектын. Тушто 23 регион гыч 600 наре спортсмен вийжым терген. Марий Элын чапшым тыгак ММЗ АО ден «Акашевский» сурткайык фабрике» ООО гыч пашаеҥ-влак араленыт. Таҥасымаш сентябрьыште Калуга олаште эртен. Участник-шамыч программыш пурышо спортын 11 видыштыже (волейбол, мини-футбол, кирам нєлтымаш, куштылго атлетике, ўстембал теннис, канатым шупшмаш, иймаш, шахмат, самбо, городошный спорт, еш таҥасымаш) та‰асеныт. Спартакиадыште призёр радамыш Советский район гыч Надежда ден Сергей Ямоловмыт еш кокымшо верым налын.
Такшым Марий Элын сборныйжо кажне ийын сайрак результатым ончыкта. Мутлан, 2015 ийыште 28-ше, 2019-ше ийыште 14-ше лийынна гын, ӱмаште – 13-шо.
Пашам ыштыме жапыштыже Владислав Шабалин «Акашевский» сурткайык фабрике» ООО-што ятыр тӱшка спорт мероприятийым эртарен. Пашам ыштыше веле огыл, самырык тукымат тудын вуйлатымыж почеш сай результатыш шуэш.
– Самырык ӱдыр-рвезе-шамычлан поснак сай, шонем, вет ойыртемалтше-влаклан вузыш пурымекышт эсогыл лу балл ешаралтеш. Кугурак ийготан-влаклан паша деч вара капкылым лывырташ пайдале. Кундемыштына колым кучышын кечыжат, Акашевский ечыгорно да моло таҥасымашат пеш оҥайын эртат, – манеш В.Шабалин.
Владислав Вениаминовичын тӱҥалтышыж дене 2016 ий гыч Марий Элыште ялысе ветеран-шамыч коклаште футбол дене «Шӧртньӧ шурно» турнир эртаралтеш. Таче кечылан тушко куд команде ушнен. «Акашевский» сурткайык фабрикыште тыршыше-влак Советский посёлкеш верланыше тачысе саманлан келшыше «Звезда» ФОК-ышто ямдылалтыт. Спорт мероприятийлашке туныктышо, тренер-преподаватель, спортын ветеранже-шамыч кумылын ушнат. Мутат уке, ГТО физкультурно-спорт комплексым илышыш шыҥдарымылан, призывник-влакын спартакиадылан кугу тӱткыш ойыралтеш. Тек таза илыш-йӱлан ӱшанле таҥже-влакын чыла шонымашышт шукталтеш, таза да самырык тукымлан пример лийыт.
Е.Эшкинина.
Йӱклаш лиеш: https://trurez.ru/vote#rec514291242 .
Присоединяйтесь к ОК, чтобы подписаться на группу и комментировать публикации.
Нет комментариев