ЁҚСИН!
ҚЎЛИНГДАН КЕЛСА ГАР КЎРСАТ ЯХШИЛИК,
КЕЛМАСА, ЧИН ДИЛДАН ДУОЛАР АЙТГИН.
ГАР ШУ ҲАМ БЎЛМАСА УНДА ИЛТИМОС,
ҒАРАЗЛАР, НАФРАТЛАР ЙЎЛИДАН ҚАЙТГИН.
БИР ЖУФТ НИҲОЛ ҚУРСАНГ АРИҚ БЎЙИДА,
НАФ БЕРАР СОЯСИ КИМГАДИР БИР КУН,
ҚИЛИНГАН ЖАВОБЛАР ЎЗГАГА ЭМАС,
КУН КЕЛИБ АСҚОТАР БИЛ, ЎЗИНГ УЧУН.
ГЎЗАЛ ОРЗУИНГ БОР, МАККАГА БОРМОҚ,
МОЛ-ДУНЁ ЙИҒАСАН БИЛМАЙ ҲАЛОВАТ,
ЕТГАНДАЙ БЎЛМАСМИ КАЪБА ТОШИГА.
БИР ҒАРИБ КЎНГЛИНИ ҚИЛСАНГ ЗИЁРАТ.
БИР ҲОВУЧ ТУПРОҚҚА ЯРАЛГАН СУРАТ,
КУН КЕЛИБ ОСМОНДАН БОҚСА СОЯСИ,
ЭРТАГА МАКОНИ БЎЛАРМИ ЖАННАТ,
ОЧ ҚОЛИБ ЙИҒЛАСА ЁН ҲАМСОЯСИ.
ЎЙЛАМОҚ ФУРСАТИ ҒАНИМАТ ҲАР ОН,
АТРОФИНГ ҲАСРАТИ ЁҚМАСА ДИЛИНГ,
ТАРОЗИСИ ПАЛЛАСИН БОСМАС ҲЕЧ ҚАЧОН,
ТОПГАН ШУҲРАТИНГУ МИЛЛИОНЛАБ ПУЛИНГ.
ЮРАКНИ УЙҒОТГИН, КЎНГИЛ КЎЗЛАРИ,
ОЧИЛСИН, ДУНЁГА БОШҚАЧА БОҚСИН,
КИМГАДИР ЁҚМАСАНГ ХАВОТИР ОЛМА,
АМАЛИНГ ЭНГ АВВАЛ ХУДОГА ЁҚСИН.
Присоединяйтесь к ОК, чтобы подписаться на группу и комментировать публикации.
Нет комментариев