Предыдущая публикация
ХУДОДАН ҚЎРҚМАГАНДАН ҚЎРҚ!
Тўнғизларга тақлид қилган,
Мен зўрман деб таҳдид қилган.
Қуръонни-да танқид қилган,
Худодан қўрқмагандан қўрқ!
Рўмолингни еч дейдиган,
Соқолингдан кеч дейдиган.
Тоат қилма хеч дейдиган,
Худодан қўрқмагандан қўрқ!
Майли қўрқма золимлардан,
Амали йўқ олимлардан.
Эҳтиёт бўл хоинлардан,
Ва Хақдан қўрқмагандан қўрқ!
Кимсалар кўп нафси енгган,
Фиръавндек эсин еган.
Аллоҳ қани кўрсат деган,
Худодан қўрқмагандан қўрқ!
Элим деб бўзлаганданмас,
Халқ тинчин кўзлаганданмас.
Хақ гапни сўзлаганданмас,
Худодан қўрқмагандан қўрқ!
Шафқат надир билмайдиган,
Элни кўзга илмайдиган.
Хақдан хаё қилмайдиган,
Худодан қўрқмагандан қўрқ!
Иймон қасрин емиргувчи,
Халқнинг хаққин кемиргувчи,
Каламушдек семиргувчи,
Худодан қўрқмагандан қўрқ!
Моғор босган қалби қотган,
Уялмасдан динин сотган.
Расулуллоҳга тош отган,
Худодан қўрқмагандан қўрқ!
Агар ўлса онг ва идрок,
Тафаккур хам бўлгай халок.
Энг учига чиққан шаккок,
Худодан қўрқмагандан қўрқ!
Тўймайдиган нонҳўрданмас,
Ё қушмижоз донҳўрданмас.
Шоқол янглиғ қонҳўрданмас,
Худодан қўрқмагандан қўрқ!
Эмасман файласуф Суқрот,
Аммо донишманддир хаёт.
Яхшиларга мутлақо ёт,
Худодан қўрқмагандан қўрқ!
Тан олгувчи хақиқатим,
Оз ўрнакли фазилатим.
Энг фойдали насихатим,
Худодан қўрқмагандан қўрқ!
Абдурахмон Мешаян.
Намоз уккан гунохкор
Куръон уккан жафокор
Иймонни бор хиенаткор
Деганлардир зулимкор
Оллохдан куркмагандан курк.
Йиглап кунгил дер Оллох
Узинг мадад бер,РОББИМ
Адаштириб йулимдан
Киёматдир балким якин...
Следующая публикация
Нет комментариев