💐🍀💐
СУББОТА, 6 ИЮЛЯ 2024 ГОДА. (23 ИЮНЯ 2024 ГОДА ПО СТАРОМУ СТИЛЮ). СЕДМИЦА 2-Я ПО ПЯТИДЕСЯТНИЦЕ, ГЛАС ВОСЬМЫЙ. ПЕТРОВ ПОСТ. (ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В СУББОТУ).
Владимирской иконы Божией Матери (празднество установлено в память спасения Москвы от нашествия хана Ахмата в 1480 г.). Собор Владимирских святых. Мц. Агриппины (253-260). Прав. отрока Артемия Веркольского (1545). Перенесение мощей свт. Германа, архиеп. Казанского (1714). Мчч. Евстохия, Гаия, Провия, Лоллия, Урвана и иных (IV). Прпп. Иосифа, Антония и Иоанникия, игуменов Вологодских. Свт. Марка, митр. Ефесского. Новосщмчч. Максима (Жижиленко), еп. Серпуховского (1930), Митрофана (Краснопольского), архиеп. Астраханского, Леонтия (Вимпфена), еп. Енотаевского и иже с ним (1919). Псково-Печерской, именуемой "Умиление" (1524), и Заоникиевской (1588) икон Божией Матери. Перенес. мощей прп. Михаила Клопского, юродивого. Св. Этелдреды Емитской, девы (679) (Кельт. и Брит.).
ТРОПАРИ, КОНДАКИ, ВЕЛИЧАНИЯ ЧИТАЕМЫЕ В СУББОТУ.
ТРОПАРЬ ВСЕМ СВЯТЫМ, ГЛАС 2
Апо́столи, му́ченицы и проро́цы, / святи́телие, преподо́бнии и пра́веднии, / до́бре по́двиг соверши́вшии и ве́ру соблю́дшии, / дерзнове́ние иму́ще ко Спа́су, / о нас Того́, я́ко Бла́га, моли́те, / спасти́ся, мо́лимся, душа́м на́шим.
Слава: Помяни́, Го́споди, я́ко Благ, рабы́ Твоя́, / и ели́ка в житии́ согреши́ша, прости́: / никто́же бо безгре́шен, то́кмо Ты, / моги́й и преста́вленным да́ти поко́й.
И ныне: Ма́ти Свята́я неизрече́ннаго Све́та, / а́нгельскими Тя пе́сньми почита́юще, / благоче́стно велича́ем.
КОНДАК ВСЕМ СВЯТЫМ, ГЛАС 8
Я́ко нача́тки естества́ Насади́телю тва́ри, / вселе́нная прино́сит Ти, Го́споди, богоно́сныя му́ченики; / тех моли́твами в ми́ре глубо́це / Це́рковь Твою́, жи́тельство Твое́, / Богоро́дицею соблюди́, Многоми́лостиве.
КОНДАК ЗАУПОКОЙ, ГЛАС 6
Со святы́ми упоко́й, / Христе́, / ду́ши раб Твои́х, / иде́же несть / боле́знь, ни печа́ль, / ни воздыха́ние, / но жизнь безконе́чная.
ПРЕСВЯТОЙ БОГОРОДИЦЕ ПРЕД ИКОНОЙ ЕЯ «ВЛАДИМИРСКАЯ»
ТРОПАРЬ, ГЛАС 4
Днесь све́тло красу́ется сла́внейший град Москва́,/ я́ко зарю́ со́лнечную, восприе́мши, Влады́чице,/ чудотво́рную твою́ ико́ну,/ к не́йже ны́не мы притека́юще и моля́щеся Тебе́, взыва́ем си́це:/ о пречу́дная Влады́чице Богоро́дице!/ моли́ся из Тебе́ воплоще́нному Христу́ Бо́гу на́шему,/ да изба́вит град сей и вся гра́ды и страны́ христиа́нския/ невреди́мы от всех наве́т вра́жиих// и спасе́т ду́ши на́ша, я́ко Милосе́рд.
КОНДАК, ГЛАС 8
Взбра́нной Воево́де победи́тельная,/ я́ко изба́вльшеся от злых/ прише́ствием Твоего́ честна́го о́браза, Влады́чице Богоро́дице,/ све́тло сотворя́ем пра́зднество сре́тения Твоего́ и обы́чно зове́м Ти:// ра́дуйся, Неве́сто Неневе́стная.
ИН КОНДАК, ГЛАС 8
Взбра́нней Воево́де и Засту́пнице, Де́ве и Богоро́дице,/ в чи́стей со́вести, ве́рою утверди́вшеся, ру́сстии наро́ди,/ невозвра́тно наде́жду иму́ще, притеце́м,/ к чудотво́рному Ея́ и пречи́стому о́бразу, и возопие́м Éй:/ ра́дуйся, Неве́сто Неневе́стная.
ВЕЛИЧАНИЕ
Досто́йно есть велича́ти Тя, Богоро́дице,/ честне́йшую Херуви́м/ и сла́внейшую без сравне́ния Серафи́м.
СОБОРУ ВЛАДИМИРСКИХ СВЯТЫХ
ТРОПАРЬ, ГЛАС 4
Днесь све́тло красу́ется Пресвяты́я Богоро́дицы избра́нный град/ и с ним вси концы́ земли́ Влади́мирския торжеству́ют,/ па́мять соверша́юще богопросла́вленнаго вели́каго ли́ка святы́х,/ в по́двизех Правосла́вныя ве́ры издре́вле во уде́ле сем Бо́гу угоди́вших,/ и к ним с любо́вию вопию́т:/ о преди́внии Христу́ Бо́гу моли́твенницы,/ венцы́ пресве́тлыми от Него́ увенча́нныя,/ мир и благоде́нствие оте́честву ва́шему испроси́те/ и душа́м на́шим ве́лию ми́лость.
КОНДАК, ГЛАС 4
Я́ко зве́зды пресве́тлыя Це́ркве Росси́йския,/ испове́данием Правосла́вныя ве́ры в той возсия́вшии,/ вси святи́и земли́ Влади́мирския:/ Богому́дрии святи́телие и благове́рнии кня́зи,/ преподо́бнии отцы́ и ма́тери,/ страстоте́рпцы и пра́ведницы,/ Христу́ Бо́гу усе́рдно моли́теся,/ грехо́в оставле́ние дарова́ти/ любо́вию чту́щим святу́ю па́мять ва́шу.
ВЕЛИЧАНИЕ
Велича́ем вас,/ вси святи́и в земли́ Влади́мирской просия́вший,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.
МУЧЕНИЦЕ АГРИППИНЕ РИМЛЯНЫНЕ
ТРОПАРЬ, ГЛАС 4
Áгница Твоя́, Иису́се, Агрипи́на/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ради́,/ я́ко да ца́рствую в Тебе́,/ и умира́ю за Тя, да и живу́ с Тобо́ю;/ но, я́ко же́ртву непоро́чную, приими́ мя, с любо́вию поже́ршуюся Тебе́./ Той моли́твами, я́ко Ми́лостив, спаси́ ду́ши на́ша.
КОНДАК, ГЛАС 4
Све́тлых по́двиг твои́х светоно́сный наста́ день,/ во́ньже почита́ющи сих, Боже́ственная Це́рковь/ вся созыва́ет ве́село вопи́ти Тебе́:/ ра́дуйся, Де́во и му́ченице,// Агрипи́но всечестна́я.
ВЕЛИЧАНИЕ
Велича́ем тя,/ страстоте́рпице Христо́ва Агриппи́но,/ и чтим честно́е страда́ние твое́,/ е́же за Христа́/ претерпе́ла еси́.
ПРАВЕДНОМУ ОТРОКУ АРТЕМИЮ ВЕРКОЛЬСКОМУ
ТРОПАРЬ, ГЛАС 2
Вы́шняго повеле́нием,/ тучено́сным облако́м, не́бо помрачи́вшим/ и мо́лниям блиста́ющим,/ гро́му же возшуме́вшу с преще́нием,/ испусти́л еси́ ду́шу твою́ в ру́це Го́сподеви,/ прему́дре Арте́мие,/ и ны́не предстои́ши Престо́лу Влады́ки всех,/ и́же ве́рою и любо́вию приходя́щим к тебе́,/ подая́ исцеле́ние всем неотло́жно/ и моля́ся Христу́ Бо́гу,/ спасти́ся душа́м на́шим.
КОНДАК, ГЛАС 8
Возсия́ днесь пресве́тлая па́мять прему́драго Арте́мия;/ Богода́нная благода́ть, я́ко ре́ки, излива́ет от целе́бных моще́й его́ ди́вная исцеле́ния,/ и́миже от многоразли́чных неду́г избавля́емся,/ с ве́рою прие́млюще я и взыва́юще:/ ра́дуйся, Арте́мие Богому́дре.
ВЕЛИЧАНИЕ
Велича́ем тя,/ святы́й пра́ведный Арте́мие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
СВЯТИТЕЛЮ ГЕРМАНУ, АРХИЕПИСКОПУ КАЗАНСКОМУ
ТРОПАРЬ, ГЛАС 4
От ю́ности и́го Христо́во усе́рдно восприи́м,/ бде́нными по́двиги поста́ и моли́твы просла́вился еси́./ Отону́дуже призыва́ющу тя Бо́гу на служе́ние Це́ркви/ в новопросвеще́ннем ца́рстве Каза́нстем,/ вку́пе со святи́телем Гу́рием воззва́н был еси́,/ иде́же я́ко первонача́льник/ созда́нной тобо́ю в гра́де Свия́жске оби́тели/ и досто́йный первосвяти́телю прее́мник яви́лся еси́./ Ду́хом предстоя́ Престо́лу Влады́чню,/ моли́ся, святи́телю Ге́рмане, со святи́телем Гу́рием/ правосла́вной па́стве во благоче́стии преспева́ти/ и тьме инове́рия све́том ве́ры разгна́тися.
КОНДАК , ГЛАС 4
До́блестями преподо́бия и пра́вды/ вруче́нное тебе́ слове́сное ста́до озаря́я/ и на зла́чных Сло́ва Христо́ва па́житях пита́я,/ на пра́вый путь за́поведей Госпо́дних/ си́лою ду́ха твоего́ наставля́л еси́ е./ Те́мже и ны́не, осеня́емое цельбоно́сными чудотворе́нии твои́ми,/ в святу́ю па́мять твою́, зове́м тебе́:/ не преста́й, святи́телю, предста́тельствовати/ пред Пастыренача́льником о ста́де твое́м,/ я́ко па́ствы твоея́ утвержде́ние/ и су́щим по тебе́ святи́телем удобре́ние.
ВЕЛИЧАНИЕ
Велича́ем тя,/ святи́телю о́тче Ге́рмане,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
СВЯЩЕННОМУЧЕНИКУ МИТРОФАНУ (КРАСНОПОЛЬСКОМУ)
ТРОПАРЬ, ГЛАС 4
От ю́ности твоея́ за́поведи Госпо́дни до́бре сохраня́я,/ Бо́гови во вся́ком долготерпе́нии благоугожда́л еси́,/ ревну́я о благоустрое́нии и процветении Це́ркве Правосла́вныя,/ да просла́вится Оте́ц Небе́сный во ча́дех ея́,/ и в годи́ну лю́тых гоне́ний на ве́ру святу́ю испове́дник безстра́шен яви́лся еси́,/ за Христа́ му́ченическую кончи́ну прия́в,/ и ны́не предстоя́ Престо́лу Святы́я Тро́ицы/ моли́ся, святи́телю о́тче Митрофа́не,// о все́х любо́вию чту́щих святу́ю па́мять твою́.
КОНДАК, ГЛАС 5
Испове́дниче ве́ры Правосла́вныя,/ благоче́стия ревни́телю и чистоты́,/ священному́чениче о́тче Митрофа́не,/ па́стырь до́брый и трудолюби́вый ма́терию Це́рковию явле́н бы́л еси́/ и волко́в, разори́ти ю́ гряду́щих, не убоя́вся,/ ду́шу твою́ за ча́да ея́ положи́л еси́, зло́бу диа́вола Христо́вою любо́вию побежда́я,/ те́мже и на́м помози́, мо́лим ти́ ся́,// в терпе́нии Ева́нгельстем стяжа́ти души́ на́ша.
ВЕЛИЧАНИЕ
Велича́ем тя,/ священному́чениче Митрофа́не,/ и чтим честна́я страда́ния твоя́,/ я́же за Христа́/ во утвержде́ние на Руси́ Правосла́вия/ претерпе́л еси́.
ПРЕСВЯТОЙ БОГОРОДИЦЕ ПРЕД ИКОНОЙ ЕЯ «УМИЛЕНИЕ» ПСКОВО-ПЕЧЕРСКАЯ
ТРОПАРЬ, ГЛАС 4
К Богоpо́дице с умиле́нием пpипаде́м,/ вси, гpехми́ обpемене́ннии,/ чудотво́pную Ея́ ико́ну Умиле́ния облобыза́юще/ и вопию́ще со слеза́ми:/ Влады́чице, пpиими́ моле́ние недосто́йных pаб Твои́х/ и пода́ждь нам, пpося́щим,// ве́лию Твою́ ми́лость.
КОНДАК, ГЛАС 6
Не и́мамы ины́я по́мощи,/ не и́мамы ины́я наде́жды,/ ра́зве Тебе́, Влады́чице,/ Ты нам помози́,/ на Тебе́ наде́емся/ и Тобо́ю хва́лимся,/ Твои́ бо есмы́ раби́,// да не постыди́мся.
ВЕЛИЧАНИЕ
Велича́ем Тя,/ Пресвята́я Де́во,/ Ма́ти Христа́ Бо́га на́шего,/ и чтим чудотво́рный о́браз Твой,/ и́мже спасла́ еси́/ нас от руки́ вра́жия.
МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В СУББОТУ.
(Рим.3,19–26; Мф.7,1–8). “Не судите, да не судимы будете.” Что за болезнь — пересуды и осуждение! Все знают, что это грех, а между тем ничего нет обычнее в речах наших, как осуждение. Иной скажет: “не поставь, Господи, в осуждение”, а все-таки осуждение свое доведет до конца. Иной оправдывает себя тем, что разумному человеку надо же иметь свой взгляд на текущее, и в пересудах пытается быть хладнокровно рассуждающим; но и простое ухо не может не различать в речах его высящегося и злорадствующего осуждения. Между тем, приговор Господа за этот грех строг и решителен. Кто осуждает других, тому нет оправдания. Как же быть? Как миновать беды? Решительное средство против осуждения состоит вот в чем: считать самого себя осужденным. Кто восчувствует себя таким, тому некогда будет судить других. Только и речей у него будет: “Господи, помилуй! Господи, прости мои согрешения!”
Присоединяйтесь к ОК, чтобы подписаться на группу и комментировать публикации.
Комментарии 1