💐🍀💐
ВТОРНИК, 16 ИЮЛЯ 2024 ГОДА. (3 ИЮЛЯ 2024 ГОДА ПО СТАРОМУ СТИЛЮ). СЕДМИЦА 4-Я ПО ПЯТИДЕСЯТНИЦЕ, ГЛАС ВТОРЫЙ. ПОСТА НЕТ. (ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ ВО ВТОРНИК).
Мч. Иакинфа (108). Перенесение мощей свт. Филиппа, митр. Московского и всея России чудотворца (1652). Прпп. Анатолия, в Ближних пещерах (XII), и другого Анатолия затворника, в Дальних пещерах (XIII), Печерских. Блгвв. князей Василия и Константина Ярославских (XIII). Свт. Василия, еп. Рязанского (1295). Прп. Иоанна и Лонгина Яренгских (1544-1545). Блж. Иоанна, Христа ради юродивого, Московского (1589). Прп. Никодима Кожеезерского (1640). Мчч. Диомида, Евлампия, Асклипиодота и мц. Голиндухи (II). Мчч. Мокия и Марка (IV). Прп. Александра, первоначальника обители Неусыпающих (ок. 430). Свт. Анатолия, патриарха Константинопольского (438). Прп. Исайи отшельника, Египетского и Палестинского. Блжж. Михаила и Фомы, юродивых, Сольвычегодских. Свт. Германа, еп. Айсл-оф-Мэн, просветителя Пила, племянника св. Патрика (V) (Кельт. и Брит.). Мчч. Феодота и Феодоты (Греч.). Прпмч. Герасима Нового, Карпенисионского (Греч.).
ТРОПАРИ, КОНДАКИ, ВЕЛИЧАНИЯ ЧИТАЕМЫЕ ВО ВТОРНИК.
ТРОПАРЬ КРЕСТИТЕЛЮ И ПРЕДТЕЧЕ ИОАННУ, ГЛАС 2
Па́мять пра́веднаго с похвала́ми, / тебе́ же довле́ет свиде́тельство Госпо́дне, Предте́че: / показа́л бо ся еси́ вои́стинну и проро́ков честне́йший, / я́ко и в струя́х крести́ти сподо́бился еси́ Пропове́даннаго. / Те́мже за и́стину пострада́в ра́дуяся, / благовести́л еси́ и су́щим во а́де Бо́га, я́вльшагося пло́тию, / взе́млющаго грех ми́ра / и подаю́щаго нам ве́лию ми́лость.
КОНДАК КРЕСТИТЕЛЮ И ПРЕДТЕЧЕ ИОАННУ, ГЛАС 2
Проро́че Бо́жий и Предте́че благода́ти, / главу́ твою́, я́ко ши́пок свяще́ннейший от земли́ обре́тше, / исцеле́ния всегда́ прие́млем, / и́бо па́ки, я́коже пре́жде, / в ми́ре пропове́дуеши покая́ние.
МУЧЕНИКУ ИАКИНФУ РИМСКОМУ
ТРОПАРЬ, ГЛАС 4
Му́ченик Твой, Го́споди, Иаки́нф/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости;/ того́ моли́твами/ спаси́ ду́ши на́ша.
КОНДАК, ГЛАС 6
Дре́во жи́зни посреде́ души́ своея́,/ ве́ру Твою́, Христе́, стяжа́вый Твой му́ченик,/ еде́мскаго рая́ честне́йший бысть,/ дре́во пре́лести зми́евы погуби́в дерзнове́нно ду́хом,/ венча́ся сла́вою Твое́ю, Многоми́лостиве.
ИН КОНДАК, ГЛАС 4
Ка́мень че́стен показа́ся, Иаки́нфе,/ в Го́рнем о́ном све́тлем гра́де водрузи́ся,/ в разу́мнем Сио́не блиста́я све́тло,/ освеща́я вся, чту́шия честно́е твое́ страда́ние,/ моли́ спасти́ся нам, твою́ па́мять почита́ющим.
ВЕЛИЧАНИЕ
Велича́ем тя,/ страстоте́рпче святы́й Иаки́нфе,/ и чтим честна́я страда́ния твоя́,/ я́же за Христа́/ претерпе́л еси́.
СВЯТИТЕЛЮ ФИЛИППУ (КОЛЫЧЕВУ), МИТРОПОЛИТУ МОСКОВСКОМУ
ТРОПАРЬ, ГЛАС 8
Первопресто́льников прее́мниче, сто́лпе правосла́вия,/ и́стины побо́рниче, но́вый испове́дниче,/ святи́телю Фили́ппе, положи́вый ду́шу за па́ству твою́,/ те́мже, я́ко име́я дерзнове́ние ко Христу́,/ моли́ за Оте́чество на́ше, за град же и лю́ди,// чту́щия досто́йно святу́ю па́мять твою́.
КОНДАК, ГЛАС 3
Правосла́вия наста́вника и и́стины провозве́стника,/ златоу́стаго ревни́теля, Росси́йскаго свети́льника,/ Фили́ппа прему́драго восхва́лим,/ пи́щею слове́с свои́х разу́мно ча́да своя́ пита́юща:/ той бо язы́ком хвале́ния поя́ше,/ устна́ма же пе́ние веща́ше,// я́ко таи́нник Бо́жия благода́ти.
ВЕЛИЧАНИЕ
Велича́ем тя,/ святи́телю о́тче Фили́ппе,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
ПРЕПОДОБНЫМ АНАТОЛИЮ, В БЛИЖНИХ ПЕЩЕРАХ, И ДРУГОМУ АНАТОЛИЮ ЗАТВОРНИКУ, В ДАЛЬНИХ ПЕЩЕРАХ, ПЕЧЕРСКИМ
ТРОПАРЬ, ГЛАС 3
Преблаже́ннии и Богоно́снии отцы́ на́ши, Анато́лие и Анато́лие Затво́рниче,/ я́ко стяжа́вшии дерзнове́ние ко Го́споду/ равноа́нгельным свои́м житие́м,/ его́же ра́ди обогати́ Христо́с нетле́нием и чудесы́ мо́щи ва́ша,/ мо́лим вас приле́жно:/ испроси́те душа́м на́шим очище́ние/ и ве́лию и бога́тую ми́лость.
КОНДАК, ГЛАС 4
Бога́тство благода́ти и сыноположе́ния/ стяжа́вше мно́гими по́двиги и доброде́тельми,/ и́хже ра́ди Христо́с всели́ ду́ши ва́ша в Небе́сная селе́ния Своя́,/ дарова́в благода́ть нетле́ния и чуде́с моще́м ва́шим,/ к ни́мже притека́юще, вопие́м:/ ра́дуйтеся, Анато́лие и Анато́лие Затво́рниче,/ ли́ков и́ночествующих похвало́ и украше́ние.
ВЕЛИЧАНИЕ
Ублажа́ем вас,/ преподо́бнии отцы́ Анато́лие и Анато́лие Затво́рниче,/ и чтим святу́ю па́мять ва́шу,/ наста́вницы мона́хов/ и собесе́дницы а́нгелов.
БЛАГОВЕРНЫМ КНЯЗЬЯМ ВАСИЛИЮ И КОНСТАНТИНУ ЯРОСЛАВСКИМ
ТРОПАРЬ, ГЛАС 8
Возвы́сившеся на доброде́тель, к жела́нию кра́йнему,/ и достиго́сте к Небе́сней высоте́,/ благове́рнии вели́цыи кня́зи Васи́лие и Константи́не,/ и безстра́стным житие́м украси́сте ду́ши своя́,/ поще́нием же изря́дно победи́сте бесо́вския полки́/, и восприя́сте чи́стую со́весть,/ в моли́твах я́ко безпло́тнии пребы́сте,/ возсия́сте в ми́ре, а́ки со́лнце, пресла́внии,/ моли́те спасти́ся душа́м на́шим.
ТРОПАРЬ, ГЛАС 2
Ва́ше оте́чество хва́лится обагре́нием крове́й ва́ших,/ Це́рковь же Бо́жия ра́дуется,/ прие́мши телеса́ ва́ша,/ лю́дие, пе́сненный лик соста́вльше,/ духо́вною цевни́цею вопию́т:/ лику́й, Васи́лие, ра́дуйся, Константи́не,/ Яросла́влю сла́во и всей Росси́и ра́досте.
КОНДАК, ГЛАС 8
Я́ко цве́ти честни́и разли́чили,/ в ра́йстей пи́щи процве́тше невеще́ственно,/ оте́честву своему́ сла́ву ве́лию/ и сро́дником похвалу́ и честь я́вльше,/ всеи́стиннии побе́дницы, вели́кий Васи́лие и сла́вный Константи́не,/ но у́бо не преста́йте моля́щеся о гра́де ва́шем и о всех рабе́х свои́х,/ изба́вити их от напа́стей, и бед, и вся́ких лю́тых обхожде́ний, вопию́щих вам:/ ра́дуйтеся, гра́ду на́шему Яросла́влю вели́кое утвержде́ние.
ВЕЛИЧАНИЕ
Велича́ем вас,/ благове́рнии кня́зи Васи́лие и Константи́не,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.
СВЯТИТЕЛЮ ВАСИЛИЮ, ЕПИСКОПУ РЯЗАНСКОМУ
ТРОПАРЬ, ГЛАС 4
Пе́рвее в Му́роме святи́тельством почте́н был еси́,/ из него́же непра́ведно изгоня́емь,/ на ма́нтию, я́ко на ле́гкий кора́бль, возше́л еси́,/ на не́йже па́че естества́, я́ко безпло́тен, по вода́м ше́ствие творя́,/ промышле́нием Вы́шняго и заступле́нием Богома́тере управля́емь,/ богоспаса́емаго гра́да Ряза́ни дости́гл еси́/ и, в нем архиере́йства престо́л восприи́м,/ богода́нную па́ству Ряза́нскую до́бре упа́сл еси́./ Святи́телю о́тче наш Васи́лие,/ моли́ Христа́ Бо́га/ спасти́ся душа́м на́шим.
КОНДАК, ГЛАС 8
Я́ко многосве́тлая звезда́, от гра́да Му́рома возсия́л еси́, святи́телю Васи́лие,/ по во́дам же доше́д до гра́да на́шего Ряза́ни,/ Це́рковь Бо́жию до́бре упа́сл еси́,/ просвеща́я лю́ди уче́нием и житие́м твои́м./ Помина́й и ны́не ча́да твоя́, мо́лим тя, наста́вниче наш до́брый,/ и за ны Христу́ Бо́гу и Пречи́стей Его́ Ма́тери моли́ся,/ да благода́рною душе́ю зове́м ти:/ ра́дуйся, уго́дниче Христо́в и те́плый к Бо́гу о нас моли́твенниче.
ВЕЛИЧАНИЕ
Велича́ем тя,/ святи́телю о́тче Васи́лие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
ПРЕПОДОБНЫМ ИОАННУ И ЛОНГИНУ, ЯРЕНГСКИМ
ТРОПАРЬ, ГЛАС 8
Я́ко зве́зды многосве́тлыя, от ю́ности возсия́вше,/ освети́ли есте́ сердца́ ве́рных пренесе́нием честны́х моще́й ва́ших,/ доброде́тельми чуде́с ва́ших, во пло́ти я́ко бо Áнгели на земли́, показа́стеся,/ поще́нием насажде́ни бы́сте, я́ко дре́во при вода́х воздержа́ния,/ напое́ни струя́ми слез ва́ших, и скве́рну омы́сте,/ сего́ ра́ди яви́стеся прия́телище Бо́жия Ду́ха, Иоа́нне и Ло́нгине,/ моли́те Христа́ Бо́га спасти́ся душа́м на́шим.
ТРОПАРЬ ПРЕПОДОБНОМУ ИОАННУ, ГЛАС 4
От земли́ Возведы́й тя к ве́чным оби́телем/ соблюда́ет и по сме́рти невреди́мо те́ло твое́, свя́те Иоа́нне,/ ты бо в целому́дрии и чистоте́ жития́, блаже́нне, пожи́л еси́,/ не оскверни́в те́ло,/ те́мже со дерзнове́нием моли́ Христа́ Бо́га спасти́ся душа́м на́шим.
ТРОПАРЬ ПРЕПОДОБНОМУ ЛОНГИНУ, ГЛАС 1
Свы́ше Боже́ственною благода́тию просвети́вся, Богому́дре,/ мно́гим терпе́нием во вре́менней жи́зни тече́ние соверши́л еси́,/ те́мже и по успе́нии источа́еши чуде́с благода́ть,/ и́же с ве́рою приходя́щим к тебе́, Ло́нгине всеблаже́нне./ Сла́ва Да́вшему ти кре́пость,/ сла́ва Просла́вльшему тя в чудесе́х,/ сла́ва Де́йствующему тобо́ю всем исцеле́ние.
КОНДАК, ГЛАС 8
Яви́стеся свети́льницы всесве́тлии, во пло́ти а́нгели,/ я́ко Живота́ дре́во ра́йское,/ поще́нием, и бде́нием, и ве́рою возраща́еми, процвели́ есте́./ Моли́твами свои́ми Небе́сную благода́ть прие́мше,/ вра́чеве же кре́пцыи я́вльшеся,/ исцеля́ете неду́жныя и ду́ши с ве́рою прибега́ющих к ра́це моще́й ва́ших,/ чудотво́рцы сла́внии, Иоа́нне и Ло́нгине,/ сего́ ра́ди вси ве́рою и любо́вию вопие́м:/ ра́дуйтеся, помо́рстей стране́ похвало́ и утвержде́ние.
ВЕЛИЧАНИЕ
Ублажа́ем вас,/ преподо́бнии отцы́ Иоа́нне и Ло́нгине,/ и чтим святу́ю па́мять ва́шу,/ наста́вницы мона́хов/ и собесе́дницы а́нгелов.
БЛАЖЕННОМУ ИОАННУ, ХРИСТА РАДИ ЮРОДИВОМУ, МОСКОВСКОМУ ЧУДОТВОРЦУ
ТРОПАРЬ, ГЛАС 8
И́же Христа́ ра́ди во́лею оста́вив твое́ оте́чество, град Во́логду,/ и вся кра́сная ми́ра сего́ возненави́дев,/ жела́нием духо́вным всели́лся еси́ во град Росто́в,/ я́ко в пусты́ни скита́яся в нем,/ гла́дом и жа́ждею и безме́рною тягото́ю плоть твою́ изнуря́я/ и рабо́тая Го́сподеви день и нощь,/ в посте́ и моли́тве пребыва́я в притво́ре церко́внем,/ власы́ же главы́ твоея́ пе́плом и смоло́ю удруча́я,/ и, ревну́я Васи́лию блаже́нному,/ прише́л еси́ в ца́рствующий град Москву́/ и, в целому́дрии и терпе́нии тече́ние до́бре сконча́в,/ пресели́лся еси́ к ве́чным оби́телем,/ чуде́с лучи́ испуща́я,/ преблаже́нне Иоа́нне, о́тче наш,/ моли́ Христа́ Бога́ спасти́ся душа́м на́шим.
ИН ТРОПАРЬ, ГЛАС 4
Житие́ твое́ воздержа́нием и терпе́нием,/ благоюро́де Иоа́нне, украси́л еси́,/ и ча́стыми моли́твами и всено́щным стоя́нием/ ду́шу твою́ просвети́л еси́,/ и обяза́ те́ло твое́ и власы́, и кресты́ с вери́гами тя́жкими,/ мно́га ле́та тружда́яся до исхо́да души́ твоея́,/ и прии́де на твое́ преставле́ние из Росто́ва гра́да/ в ца́рствующий град Москву́,/ к Пресвяте́й Тро́ице и Пречи́стей Бо́жией Ма́тери,/ и ту погребо́ша тя святи́телие,/ и ны́не у гро́ба твоего́ то́чиши исцеле́ния приходя́щим ти с ве́рою./ Моли́ Бо́га приле́жно с пра́ведным Васи́лием о правосла́вных лю́дех./ Сла́ва Да́вшему ти кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
ИН ТРОПАРЬ, ГЛАС 1
Любве́ ра́ди Христо́вы/ возненави́дев ми́ра сего́ вся преле́стныя красоты́,/ в ми́ре живы́й, подвиза́ся до́бре, я́ко а́нгел на земли́,/ ве́чныя ра́ди жи́зни,/ и, от земны́х досто́инств таковы́х ду́шу воскреси́в ду́хом,/ плоть же порабо́тив и повину́в во всем ду́ху, Христо́ви распя́ся/ и к Боже́ственней высоте́ пресве́тло взя́тся благода́тию,/ прии́де в Небе́сный черто́г,/ иде́же ны́не, Пресвяте́й Тро́ице со а́нгелы предстоя́,/ во све́те неизрече́нный ра́дости весели́шися, преблаже́нне Иоа́нне,/ тем благода́рственно вопие́м ти:/ сла́ва Избра́вшему тя в Руси́, блаже́нне, уста́ва изря́дна,/ сла́ва Укре́пльшему тя в наро́де,/ сла́ва моли́твами твои́ми и нас Спаса́ющему.
КОНДАК, ГЛАС 8
И́же Христа́ ра́ди наложи́вый на ся му́дростию юро́дство,/ о́бразом бу́йства зрим от челове́к,/ у́мныма же крыло́ма горе́ возлета́я,/ все те́ло твое́ вери́гами обяза́я,/ я́ко зла́то многоце́нное, соблюде́ся в наро́де,/ очи́стив ум от страсте́й,/ весе́лием духо́вным преше́л еси́ море мяте́жнаго сего́ жития́,/ обре́те све́тлость жи́зни ве́чныя,/ мо́лим тя, блаже́нне Иоа́нне,/ моли́ся приле́жно Христу́ Бо́гу на́шему/ сохрани́тися нам от вся́каго наве́та/ и злых обстоя́ний ви́димых и неви́димых враг, да зове́м ти:/ ра́дуйся, многострада́льна, я́ко да моли́твами твои́ми направля́емы,/ предстоя́ще при́сно с тобо́ю в Тро́ице сла́вимому Бо́гу,/ пое́м Ему́: аллилу́йя.
ИН КОНДАК, ГЛАС 8
Свято́е и пренепоро́чное поне́сл еси́ самово́льное муче́ние,/ я́ко ве́но пречестно́е, прине́сл еси́ те́ло твое́ к Пресвяте́й Тро́ице и Пречи́стей Богоро́дице/ и ту сотвори́л еси́ честно́е твое́ преставле́ние./ Терпе́нием твои́м и смире́нием а́нгельские ли́ки удиви́л еси́/ и диа́вола мучи́теля посрами́л еси́,/ от челове́к отгоня́еши ду́хи те́мныя,/ разли́чная исцеле́ния подава́я./ Ра́дуйся, благоюро́де Иоа́нне, с блаже́нным Васи́лием,/ и печа́ль на́шу на ра́дость преложи́,/ моли́ся приле́жно стране́ Росси́йстей от междоусо́бныя бра́ни и от безбо́жных язы́к изба́витися./ Ра́дуйся, земли́ Росси́йския удобре́ние и гра́да на́шего Москвы́ вели́кое утвержде́ние.
ВЕЛИЧАНИЕ
Ублажа́ем тя,/ святы́й пра́ведный Иоа́нне,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
ПРЕПОДОБНОМУ НИКОДИМУ КОЖЕЕЗЕРСКОМУ
ТРОПАРЬ, ГЛАС 8
От ца́рствующаго гра́да пресе́льник яви́ся/ и я́же в нем вели́кия оби́тели/ и, промышле́нием Боже́ственнаго ра́зума окормля́емь,/ к морски́м страна́м устреми́ся,/ всели́ся же в пусты́ню, уклоня́яся мирски́я молвы́,/ и си́лою Свята́го Ду́ха вооружи́лся еси́,/ кре́стным ору́жием враги́ своя́ прогоня́я,/ посто́м и непреста́нною моли́твою жизнь свою́ соверша́я,/ сревну́я вели́ким отце́м Анто́нию, и Ону́фрию, и Па́влу Фиве́йскому,/ с ни́миже Го́сподеви моли́ся, о́тче Никоди́ме,/ спасти́ся душа́м на́шим.
ИН ТРОПАРЬ, ГЛАС 4
Я́ко безпло́тен, о́тче, пожи́л еси́ на земли́,/ смире́нием и в я́ме пребыва́нием с моли́твами превознося́щегося врага́ смири́л еси́,/ я́ко крин, вои́стинну процве́л еси́,/ избра́нный кинамо́н, и высо́кий кипари́с,/ и плодови́тая ма́слина, и фи́никс сла́дкий,/ и кедр благоуха́нный, и валса́м чи́стый,/ те́рние злостра́стия искорени́л еси́/ и жили́ще Всесвята́го Ду́ха был еси́,/ те́мже помина́й па́мять твою́ днесь пра́зднующих, Никоди́ме чудотво́рче,/ да вси ра́достными гла́сы воспева́ем Христа́ Бо́га на́шего,/ Иже тебе́ дарова́вшаго исцеле́ний благода́ть.
КОНДАК, ГЛАС 2
Пусты́ню, я́ко ца́рский черто́г,/ усе́рдно возлюби́л еси́,/ в не́йже жесто́кое показа́ житие́ многоле́тным пребыва́нием,/ очи́стив свою́ ду́шу и ум от страсте́й,/ и сего́ ра́ди Свята́го Ду́ха преди́вно прия́телище бысть, Никоди́ме преподо́бне,/ Его́же де́йствием и чудесы́ обогати́лся еси́,/ те́мже и мы почита́ем по́двиги твоя́, всеблаже́нне,/ но, я́ко имея́й дерзнове́ние ко Пресвяте́й Тро́ице,/ моли́ся непреста́нно о всех нас.
ИН КОНДАК, ГЛАС 8
Укрепля́емь си́лою Креста́ и благода́тию,/ преоби́дев тле́нная и до́лу влеку́щая мудрова́ния, о́тче,/ бесо́в посрами́л еси́,/ к Вы́шнему тече́ние получи́л еси́,/ устреми́лся еси́ в Хозью́гу пусты́ню,/ Пресвяте́й Тро́ице жили́ще был еси́,/ Éйже предстоя́, моли́ о нас, почита́ющих тя,/ да возопии́м ти:/ ра́дуйся, преблаже́нне Никоди́ме, о́тче наш.
ВЕЛИЧАНИЕ
Ублажа́ем тя,/ преподо́бне о́тче Никоди́ме,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
СВЯЩЕННОМУЧЕНИКУ СИЛЬВЕСТРУ (ОЛЬШЕВСКОМУ)
ТРОПАРЬ, ГЛАС 4
И нpа́вом пpича́стник,/ и пpесто́лом наме́стник апо́столом быв,/ дея́ние обpе́л еси́, Богодухнове́нне,/ в виде́ния восхо́д,/ сего́ pа́ди сло́во и́стины испpавля́я,/ ве́pы pа́ди постpада́л еси́ да́же до кpо́ве,/ священному́чениче Сильве́стре,/ моли́ Хpиста́ Бо́га// спасти́ся душа́м на́шим.
КОНДАК, ГЛАС 4
Во святи́телех благоче́стно пожи́в,/ и муче́ния путь проше́д,/ и́дольския угаси́л еси́ же́ртвы,/ и побо́рник быв твоему́ ста́ду Богому́дре./ Те́мже тя почита́юще та́йно вопие́м ти:/ от бед изба́ви ны при́сно твои́ми моли́твами,// о́тче наш Сильве́стре.
ВЕЛИЧАНИЕ
Велича́ем тя,/ священному́чениче Сильве́стре,/ и чтим честна́я страда́ния твоя́,/ я́же за Христа́/ во утвержде́ние на Руси́ Правосла́вия/ претерпе́л еси́.
МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ ВО ВТОРНИК.
(Рим.10,11–11, 2; Мф.11, 16–20). Говорит Господь, что мы, не слушающие Евангелия, похожи на тех, которым поют веселые песни, — они не пляшут; поют печальные — они не плачут; ничего с ними не поделаешь. Обещают Царствие Небесное, пресветлое и прерадостное — не шевелимся, будто не нам говорят. Угрожают судом неумытным и муками нескончаемыми — не тревожимся, будто не слышим. Забиты, потеряли всякое чувство самосохранения истинного. Ведемся, как ведомые прямо на пагубу и никакой заботы о своей участи. Опустили руки, предались нечаянию: что будет, то будет! Вот каково положение наше! Не оттого ли так часты самоубийства? И это плод нынешних учений, нынешних взглядов на человека и его значение! Вот вам и прогресс! Вот и просвещение! Лучше уж совсем быть невеждою, да со страхом Божиим душу свою спасти, чем достигнув титла просвещенного, погибнуть на веки, во всю жизнь не вспомянув о том, что будет по смерти. Из слова Божия, определяющего и Царство Небесное и ад, не пройдет и йота едина: все будет как написано. Прими же всякий это к сердцу как дело, лично тебя касающееся, и позаботься о себе, сколько есть сил, и сколько еще времени осталось.
Присоединяйтесь к ОК, чтобы подписаться на группу и комментировать публикации.
Нет комментариев