💐🍀💐
СРЕДА, 17 ИЮЛЯ 2024 ГОДА. (4 ИЮЛЯ 2024 ГОДА ПО СТАРОМУ СТИЛЮ). СЕДМИЦА 4-Я ПО ПЯТИДЕСЯТНИЦЕ, ГЛАС ВТОРЫЙ. ДЕНЬ ПОСТНЫЙ. (ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В СРЕДУ).
Память свв.Царственных Мучеников: Царя - Мученика Николая II и иже с ним убиенных. Свт. Андрея, архиеп. Критского (712-726). Прп. Марфы, матери Симеона Дивногорца (551). Прп. Андрея Рублева, иконописца (XV). Блгв. вел. кн. Андрея Боголюбского (1174). Обретение мощей прп. Евфимия, Суздальского чудотворца (1507). Мчч. Феодота и Феодотии (108). Сщмч. Феодора, еп. Киринейского (310). Прп. Тихона, Василия и Никона, Соловецких. Новомч. иеромон. Нила (Полтавского) (1918). Галатской иконы Божией Матери. Сщмч. Феодора, еп. Киринейского в Ливии и иже с ним мцц. Киприллы, Арои и Лукии. Св. Андрея Русского, Каирского. Свт. Доната, еп. Ливийского (Греч.).
ТРОПАРИ, КОНДАКИ, ВЕЛИЧАНИЯ ЧИТАЕМЫЕ В СРЕДУ.
ТРОПАРЬ КРЕСТУ ГОСПОДНЮ, ГЛАС 1
Спаси́, Го́споди, лю́ди Твоя́ / и благослови́ достоя́ние Твое́, / побе́ды правосла́вным Христиа́ном на сопроти́вныя да́руя / и Твое́ сохраня́я Кресто́м Твои́м жи́тельство.
КОНДАК КРЕСТУ ГОСПОДНЮ, ГЛАС 4
Вознесы́йся на Крест во́лею, / тезоимени́тому Твоему́ но́вому жи́тельству / щедро́ты Твоя́ да́руй, Христе́ Бо́же, / возвесели́ нас си́лою Твое́ю, / побе́ды дая́ нам на сопоста́ты, / посо́бие иму́щим Твое́ oру́жие ми́ра, / непобеди́мую побе́ду.
СВЯТИТЕЛЮ АНДРЕЮ, АРХИЕПИСКОПУ КРИТСКОМУ
ТРОПАРЬ, ГЛАС 4
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́,/ Я́же веще́й и́стина./ Сего́ ра́ди стяжа́л еси́ сми́рением высо́кая,/ нището́ю бога́тая,/ о́тче Андре́е,/ моли́ Христа́ Бо́га/ спасти́ся душа́м на́шим.
ИН ТРОПАРЬ, ГЛАС 1
Христову Це́рковь цевни́цею язы́ка твоего́,/ песносло́вя уми́льно, возвесели́л еси́,/ богосло́вием же Препе́тыя Тро́ицы/ сла́ву всем сказа́л еси́ я́сно,/ тем тя, я́ко тайноглаго́льника, пое́м,/ Андре́е, па́стырю Кри́тский,/ и велича́ем па́мять твою́,// Христа́ сла́вяще, Ди́внаго во святы́х Свои́х.
КОНДАК, ГЛАС 2
Воструби́в я́сно Бо́жественная сладкопе́ния,/ яви́лся еси́ свети́льник ми́ра светле́йший,/ све́том сия́я Тро́ицы, Андре́е преподо́бне./ те́мже вси вопие́м ти:// не преста́й моля́ся о всех нас.
ВЕЛИЧАНИЕ
Велича́ем тя,/ святи́телю о́тче Андре́е,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
ПРЕПОДОБНОЙ МАРФЕ АНТИОХИЙСКОЙ
ТРОПАРЬ, ГЛАС 8
В тебе́, ма́ти, изве́стно спасе́ся, е́же по о́бразу:/ прии́мши бо крест, после́довала еси́ Христу́/ и, де́ющи, учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со Áнгелы сра́дуется, преподо́бная Ма́рфо, дух твой.
ИН ТРОПАРЬ, ГЛАС 4
Житие́м чи́стым и любо́вию, я́же ко Пречи́стей Бо́жией Ма́тери,/ стяжа́ла еси́ дар чадоро́дия пресла́вный,/ свети́льника ми́ру, ди́внаго Симеона,/ тем тя, Марфо,// я́ко матерь, о чаде веселящуюся, пе́сньми ублажа́ем.
КОНДАК, ГЛАС 2
В моли́твах Го́сподеви предстоя́щи,/ Пречи́стей Де́ве Богоро́дице пе́ние и хвалы́ принося́щи,/ Ма́рфо честна́я,/ породила́ еси́ свяще́нное отроча́,/ Симео́на преди́внаго, свети́льника всеми́рнаго,// с ни́мже моли́ при́сно о всех нас.
ВЕЛИЧАНИЕ
Ублажа́ем тя,/ преподо́бная ма́ти Ма́рфо,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
ПРЕПОДОБНОМУ АНДРЕЮ РУБЛЁВУ, ИКОНОПИСЦУ
ТРОПАРЬ, ГЛАС 3
Боже́ственнаго све́та луча́ми облиста́емый,/ преподо́бне Андре́е,/ Христа́ позна́л еси́, Бо́жию Прему́дрость и Си́лу,/ и ико́ною Святы́я Тро́ицы всему́ ми́ру пропове́дал еси́/ Еди́нство во Святе́й Тро́ице,/ мы же со удивле́нием и ра́достию вопие́м ти:/ име́яй дерзнове́ние ко Пресвяте́й Тро́ице,// моли́ просвети́ти ду́ши на́ша.
КОНДАК, ГЛАС 8
От ю́ности к Бо́жественней красоте́ устремля́яся,/ чу́дный иконопи́сец в земли́ Росси́йстей был еси́,/ и, богоно́сным Твои́м учи́телем поревнова́в,/ сия́нием доброде́телей украси́лся еси́, преподо́бне Андре́е,// те́мже и яви́ся Це́ркве на́шея похвала́ и ра́дование.
ВЕЛИЧАНИЕ
Ублажа́ем тя,/ преподо́бне о́тче Андре́е,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
СВЯТЫМ ЦАРСТВЕННЫМ СТРАСТОТЕРПЦАМ
ТРОПАРЬ, ГЛАС 4
Днесь, благове́рнии лю́дие, све́тло почти́м/ седмери́цу честну́ю ца́рственных страстоте́рпец,/ Христо́ву еди́ну дома́шнюю Це́рковь:/ Никола́я и Алекса́ндру,/ Алекси́я, О́льгу, Татиа́ну, Мари́ю и Анастаси́ю./ Ти́и бо, уз и страда́ний многоразли́чных не убоя́вшеся,/ от богобо́рных смерть и поруга́ние теле́с прия́ша/ и дерзнове́ние ко Го́споду в моли́тве улучи́ша./ Сего́ ра́ди к ним с любо́вию возопии́м:/ о святи́и страстоте́рпцы,/ гла́су покая́ния и стена́нию наро́да на́шего вонми́те,/ зе́млю Росси́йскую в любви́ к Правосла́вию утверди́те,/ от междоусо́бныя бра́ни сохрани́те,/ мир ми́рови у Бо́га испроси́те// и душа́м на́шим ве́лию ми́лость.
КОНДАК, ГЛАС 8
Избра́ннии Царе́м ца́рствующих и Го́сподем госпо́дствующих от ро́да царе́й Росси́йских,/ благове́рнии му́ченицы,/ му́ки душе́вныя и смерть теле́сную за Христа́ прии́мшии/ и венцы́ Небе́сными увенча́вшиися,/ к вам, я́ко покрови́телем на́шим ми́лостивым,/ с любо́вию благода́рне вопие́м:/ ра́дуйтеся, ца́рственнии страстоте́рпцы,// за Русь Святу́ю пред Бо́гом усе́рднии моли́твенницы.
ВЕЛИЧАНИЕ
Величаем вас, / святии царственнии страстотерпцы, / и чтим честная страдания ваша, / яже за Христа / претерпели есте.
БЛАГОВЕРНОМУ ВЕЛИКОМУ КНЯЗЮ АНДРЕЮ БОГОЛЮБСКОМУ
ТРОПАРЬ, ГЛАС 8
Я́ко благове́рен и пра́веден,/ за любо́вь Христа́ Бо́га от свои́х смерть приял еси́,/ кровь свою́ пролия́в,/ я́коже пре́жде сро́дницы твои́ и страстоте́рпцы Бори́с и Глеб,/ и́хже кро́вем совопие́т и твоя́ кровь, свя́те, к Бо́гу,/ я́коже Áвеля и Заха́рии пра́ведных,/ благове́рный страстоте́рпче, вели́кий кня́же Андре́е,/ с ни́миже Христа́ Бо́га моли́/ о стране́ на́шей, е́же Богоуго́дней быти// и сыново́м росси́йским спасти́ся.
ИН ТРОПАРЬ, ГЛАС 3
Éже во пло́ти житию́ твоему́ удиви́шася а́нгельстии чи́ни:/ ка́ко с те́лом к неви́димым сплете́нием изше́л еси́, пресла́вне,/ и уязви́л еси́ де́монския полки́./ Отону́дуже, Андре́е, Христо́с тебе́ воздаде́ бога́тыми дарова́ньми:/ сего́ ра́ди, о́тче, моли́ спасти́ся душа́м на́шим.
КОНДАК, ГЛАС 8
В ми́ре сем благоче́стно и пра́ведно пожи́в,/ моли́твою, ми́лостынею и благострада́нием Бо́гу угоди́л еси́,/ Сего́ ра́ди и Бог по убие́нии твое́м просла́ви тя нетле́нием и чудесы́,/ Его́же, свя́те Андре́е, моли́/ сохрани́ти оте́чество твое́// и всех люде́й, благоче́стно Тебе́ почита́ющих.
ВЕЛИЧАНИЕ
Велича́ем тя,/ благове́рный вели́кий кня́же Андре́е,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
ПРЕПОДОБНОМУ ЕВФИМИЮ, АРХИМАНДРИТУ СУЗДАЛЬСКОМУ
ТРОПАРЬ, ГЛАС 3
Я́ко светоза́рная звезда́,/ прише́л еси́ от восто́ка на за́пад,/ оста́вив оте́чество твое́, Ни́жний Но́вград,/ и, доше́д богоспаса́емаго гра́да Су́ждаля,/ в нем оби́тель сотвори́л еси́,/ и собра́л еси́ мона́хов мно́жества,/ и, прие́м дар чуде́с от Бо́га, о́тче Евфи́мие,/ был еси́ о Христе́ собесе́дник/ и спо́стник преподо́бному Се́ргию./ С ни́мже у Христа́ Бо́га испроси́ нам здра́вие, и спасе́ние,/ и душа́м на́шим ве́лию ми́лость.
КОНДАК, ГЛАС 2
Волне́ний мно́жество невла́жно преходя́,/ безпло́тныя враги́ струя́ми слез твои́х погрузи́л еси́,/ Богому́дре Евфи́мие преподо́бне,/ тем и чуде́с дар прия́л еси́,/ моли́ непреста́нно о всех нас.
ВЕЛИЧАНИЕ
Ублажа́ем тя,/ преподо́бне о́тче Евфи́мие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
СВЯЩЕННОМУЧЕНИКУ САВВЕ, ЕПИСКОПУ ГОРНОКАРЛОВАЦКОМУ
ТРОПАРЬ, ГЛАС 4
Я́ко Апостолам сопресто́льник и до́м Ду́ха Свята́го яви́лся еси́, святи́телю Горнокарловацкий, ста́ду своему́, Бо́гом тебе́ да́нному. Архиерейские одея́ния свои́ кро́вию окропил еси́ и, Кре́ст Христо́в держа́, востекал еси́ от земли́ в го́рний Иерусали́м. С сослужа́щими тебе́ и со духо́вными ча́дами твои́ми ны́не предстои́ши в небе́сном же́ртвеннике Христу́ Бо́гу на́шему, Его́же со дерзнове́нием моли́ о душа́х на́ших.
КОНДАК, ГЛАС 8
Светоза́рне свети́льниче Це́ркве Се́рбския, святи́телю Са́вво Горнокарловацкий, терпе́нием за ве́ру правосла́вную врага́ посрами́л еси́, ра́н добро́тою украшаем, боголе́пно украси́л еси́ кро́вию свое́ю богопоставленый престо́л тво́й, сего́ ра́ди восхваля́ем достохва́льную па́мять твою́, сла́вя Го́спода.
ВЕЛИЧАНИЕ
Велича́ем тя,/ священному́чениче Са́вво,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В СРЕДУ.
(Рим. 11, 2–12; Мф.11, 20–26). Господь много знамений показал в Капернауме, Вифсаиде и Хоразине; между тем, число уверовавших не соответствовало силе знамений. Потому-то Он строго и обличил эти города и присудил, что в день суда отраднее будет Тиру и Сидону, Содому и Гоморре, нежели городам тем. По этому образцу надо нам судить и о себе. Сколько знамений показал Господь над Россией, избавляя ее от врагов сильнейших, и покоряя ей народы! Сколько даровал ей постоянных сокровищниц, источающих непрестанные знамения, —в св. мощах и чудотворных иконах, рассеянных по всей России! И, однако, во дни наши россияне начинают уклоняться от веры: одна часть совсем и всесторонне падает в неверие, другая отпадает в протестантство, третья тайком сплетает свои верования, в которых думает совместить и спиритизм и теологические бредни с Божественным Откровением. Зло растет, зловерие и неверие поднимают голову, вера и Православие слабеют. Неужели же мы не образумимся?… И будет, наконец, то же и у нас, что, напр., у французов и других… А если это будет, что, думаете, будет нам за то в день Судный после таких Божиих к нам милостей? Господи! Спаси и помилуй Русь православную от праведного Твоего и належащего прещения!
Присоединяйтесь к ОК, чтобы подписаться на группу и комментировать публикации.
Нет комментариев