Фармондеҳи замони қиёмат Муҳаммад аст,
Хуршеди осмони қиёмат Муҳаммад аст.
Бар кулли коиноти ҷаҳон офтобвор
Тобанда дар замони қиёмат Муҳаммад аст.
Дорои дину довари дунё ба файзи амр
Аъзам худойгони қиёмат Муҳаммад аст.
Ҳоким ба ҳукми насси илоҳӣ зи бадви кавн
Аз баҳри назму шаъни қиёмат Муҳаммад аст.
Мақсуди ваъдаҳои Ало Зикриҳи-с-салом
Аз олами баёни қиёмат Муҳаммад аст.
Мавъуди халқи аввалу охир ба ростӣ
Аз кулли достони қиёмат Муҳаммад аст.
Наҷли бузургвори худованди Ҳақ Ҳасан
Ҳамчун гуҳар зи кони қиёмат Муҳаммад аст.
Нури вуҷуди олами ҷон аз раҳи яқин
Дар мулки шойгони қиёмат Муҳаммад аст.
Бар тарфи ҷўйбори азал зиннати ҷалол
З-ин сарви бўстони қиёмат Муҳаммад аст.
Аз нури ҷон гирифт қиёмат камоли хеш,
К-он нурбахши ҷони қиёмат Муҳаммад аст.
Сад баҳраи қиёмат аз иқболи ҷовидон
К-иқболи ҷовидони қиёмат Муҳаммад аст.
Оби ҳаёти халқ ба дунёву охират
Аз баҳри бекарони қиёмат Муҳаммад аст.
Маҳди, ки халқ мунтазири рўзгорашанд,
Шоҳи ҷаҳонситони қиёмат Муҳаммад аст.
Вирде, ки бар забони ҷаҳон «буд дк Алӣ»3,
Имрўз бар забони қиёмат Муҳаммад аст.
Бар тахти лоязол дар айвони кибриё
Султони комрони қиёмат Муҳаммад аст.
Имзои ҳукму баҳси қиёму савобро
Биншаста дар макони қиёмат Муҳаммад аст.
Ҷовид бар мисоли имороти қоимӣ,
Содир шуда нишони қиёмат Муҳаммад аст.
Бар кулли осиёну мутеъони рўзгор
Пайдокуни ниҳони қиѐмат Муҳаммад аст.
Хонанд халқро ба тафосили неку бад
Бо мавъиди замони қиёмат Муҳаммад аст.
Аъзои коиноти ҷаҳонро ба марҳамат
Оварда дар амони қиёмат Муҳаммад аст.
Рўҳи шабоб дод ба ҷисми сипеҳри пир
Аз давлати ҷавони қиёмат, Муҳаммад аст.
В-аз фикру қавлу феъл ба азми дурусту рост
Маъмури қаҳрамони қиёмат Муҳаммад аст.
Биспурда ҷон ба ханҷари аъдои дини Ҳақ
Дар зилли паҳлавони қиёмат Муҳаммад аст.
Матлаъ ба матлаъ ору бигў, эй Ҳасан, бигў:
Фармондеҳи замони қиёмат Муҳаммад аст.
Присоединяйтесь к ОК, чтобы подписаться на группу и комментировать публикации.
Нет комментариев