"İslamın cəmiyyətdə əsas prinsipi ictimai ədalətdir. Bütün peyğəmbərlərin əsas missiyalarından biri yer üzərində ədalətin bərqərar olunmasıdır. Maraqlısı odur ki, insanlığın ədalətə olan sevgi və ümidi səbəbindən hətta ən zalım rəhbərlər belə insanlar üzərində hökmüranlığını ədalət məfhumunun arxasında gizlənərək sürdürürlər. Bu gün bütün Avropa, Qərbin böyük həvəslə təqdim etməyə çalışdıığı və bunun üçün neçə-neçə institutlar yaratdığı ədaləti VII əsrdə İslam Peyğəmbəri (s) öz nurani gəlişi ilə yaratmağa başladı. Şübhəsiz o dövr üçün ağlasığmaz olan insan haqları, qadın hüquqları, bir sözlə ictimai ədalət heç bir insanın bu qədər dəqiqliyi ilə düşündüyü beynin məhsulu ola bilməzdi. Bu bütün yeri-göyü yardan Xaliqin insanlıq konsepsiyası idi. Əsas prinsipi ədalət olan İslam, Hz Muhəmmədin (s) varlığı ilə böyük uğurlara imza da ata bildi. Lakin Allah Rəsulunun (s) ölümündən sonra İslama rəhbərlik edən təsadüfi adamların yaratdıqları qarşıqlıq, xaos mühiti bu ədaləti tezliklə tənəzzülə çəkdi.
Xüsusi olaraq Müaviyyə ilə hakimiyyətə gələn şahlıq rejmi Yezidin dövründə diktatura, zülm və haqsızlığı, ictimai sitəmi kuliminasiya həddinə gətirib çıxardı. İnsanların Allahdan qorxaraq günahdan uzaqlaşmaq əvəzinə Əməvi sülaləsi onları öz qorxusu altında saxlamaqla günah mühitini legitimləşdirdi. Elə bilirsiniz o dövrdə din, İslam, alim, dini maariflənmə yox idi? Xeyr, var idi və təbliğatla məşğul olurdular da. Lakin qüdrət, cəmiyyətdə ictimai ədaləti quracaq rəhbərik zülm sahiblərinin əllərində cəmlənmişdi deyə onların düşündüyü ictimai din rejimin düşüncəsini cəmiyyətdə yayırdı. Mənbərlərdə onların düşündüyü fikirlər təbliğ olunurdu, onların idiologiyaları tədris olunurdu. Bir sözlə ictimai ədalət zülmün əlində cəmlənərək dini mühiti öz təsiri altında saxlayırdı. Necə? Qorxunu onların üzərində hakim etməklə. Bu mühit başlıca olaraq tövhid əqidəsini təhlükə altına qoyurdu. Daha insanların rəbbi Tanrı deyil, qorxusu diktə olunan rəhbərlər idi. Onlar cəzanı, mükafatı Allahdan deyil, yaşadıqları mühitin diktator rəhbərindən gözləyirdilər.
Təsəvvür edək, belə bir mühitdə hakim olan təfəkkürün həqiqətini üzə çıxarıb rejimi öz qanında boğan bir insan İslamın tövhid düşüncəsinə, əqidə məktəbinə necə böyük xidmət etmiş olurdu. İmam Hüseyn (ə) tarixi öz qoynuna alıb ictimai zülmü qanunlaşdırmaqla gələcək nəsillərin də əqidəsini təhlükə altına qoyan Üməyyə hakimiyyətini 72 tərəfdarı ilə darmadağın etdi. Onlar tarixin bu səhifəsini qanları ilə yazaraq tövhid düşüncəsi üzərinə çəkilməkdə olan pərdəni öz pak qanı ilə aradan qaldırdı. Bu günün tövhid düşüncəsinə Hüseyn (ə) və tərəfdarlarının bəxş etdiyi həyat, həqiqi tövhidi hər bir zaman və məkanda qoruma konsepsiyası, ictimai ədalətin əsas proqramıdır".
https://t.me/Abgulsuleymanov İnstegram: https://instagram.com/abgulsuleymanov?utm_medium=copy_link Youtube: https://www.youtube.com/channel/UCZN3sSi2CciDs_OzBnW5kiA Facebook: https://www.facebook.com/suleymanovabgul
Присоединяйтесь к ОК, чтобы подписаться на группу и комментировать публикации.
Нет комментариев