"Günümüzdə kiçik mini kartların mövcudluğuna hamı şahididir. Bəzən bu kiçik kartın məlumat yükü, əhəmiyyət dərəcəsi, özündə ehtiva etdiyi həqiqətlər o qədər böyük və dəyərlidir ki, buna görə müharibələr, qətliamlar törədilir. Səbəbi də həmİn mini kartın əldə edilməsidir. Kartın əşya kimi heç bir mahiyyəti olmadığı hər kəsə bəllidir. Belə kartları çox ucuz qiymətə əldə etmək də olduqca asandır. O kartı qiymətə mindirən məhz onun həyat yüklü məlumat daşıyıcısı olmasıdır. O məlumat daşıyıcısı nə qədər böyük və əhəmiyyətli məlumata malik olarsa, həmən kartın qiyməti də bir o qədər aliləşir, yüksəlir. Qiymətli məhsulun isə qorunması, qiymətləndirilməsi, ondan istifadə də bir o qədər xüsusi mahiyyətə malik olur.
İmam Hüseynə (ə) axıdılan göz yaşları da belədir. Böyük həyati əhəmiyyətə malik o göz yaşları mikrokartlar kimi özündə böyük məlumatlar, bəşəriyyəti dəyişəcək qüdrətli düşüncələr gizlədir. Bu səbəbə görədir ki, onun əldə olunması, düşmənin hər vəchə onun daxilində olan məlumatları dəyişdirmə cəhdi hər gün yaşanır. Belə mikrokartın açılması, məlumatın işıqlanması, aydınlaması istiqamətində qurulan məclislərin də hədəfə alınması bu qəbildəndir. Hüseyn (ə) göz yaşında gizlənən mahiyyət, bütün haqqın sadə dildə izahı, batilin qətiyyətli ifşasıdır. Elə buna görə də batil və onun tərəfdarları bu göz yaşları və onun izahına qurulan məclisləri dağıtmağa və ya əsas mahiyyətini dəyişməyə çalışaraq məlumatı saxtalaşdırmağa çalışmaqdadırlar.
Lakin İmam Hüseynin (ə) başlatdığı bu hərəkat əsrləri aşıb gələn böyük məlumat və həyat ruhu ilə bəşəriyyəti göz yaşlarında heç bir kəsin gücü yetməyən insanlığa çağırış fəryadını özündə qoruyub, qoruyur və qoruyacaqdır"
https://t.me/Abgulsuleymanov İnstegram: https://instagram.com/abgulsuleymanov?utm_medium=copy_link Youtube: https://www.youtube.com/channel/UCZN3sSi2CciDs_OzBnW5kiA Facebook: https://www.facebook.com/suleymanovabgul
Присоединяйтесь к ОК, чтобы подписаться на группу и комментировать публикации.
Нет комментариев