մարտի 17-ին, ժամը 15: 00-ին Վեդի քաղաքի Խաչիկ Սողոմոնյանի անվան թիվ 2 հիմնական դպրոցում, VԱ դասարանի մասնակցությամբ, տեղի ունեցավ հուշ-ցերեկույթ նվիրված մերօրյա անմահ հերոս Արտակ Վաղարշակի Սարգսյանին: Միջոցառման կազմակերպիչը VԱ դասարանի դասղեկ Գայանե Արթենյանն էր, ով նաև նահատակված զիվորի դասղեկն է եղել: Միջոցառմանը ներկա էին Արարատի փոխմարզպետ` պարոն Շադյանը, տեղեկատվության և հասարակության հետ կապերի վարչության պետի տեղակալ` գնդապետ Վանիկ Մինասյանը, Վեդու զորամասի հրամանատար գնդապետ` պարոն Խաչատրյանը, Վեդու զորամասի հրամանատար փոխգնդապետ` պարոն Խաչատրյանը, Արարատի զինկոմիսար Գրիգոր Սայադյանը, ՀՀ զինկոմիսարիատի նախազորակոչային բաժանմունքի պետ` մայոր Վահե Աղալարյանը, «Մայր Հայաստան» զինվորական թանգարանի էքսկուրսավար` լեյտենանտ Լիլիթ Մինասյանը, Վեդու փոխքաղաքապետ` պարոն Սարոյանը, Վեդու Սուրբ Աստվածածին եկեղեցու հոգևոր հովիվ և դպրոցի լավագուն բարեկամ` Տեր Հովակիմ քահանա Հարությունյանը, մանկավարժներ, զոհված ազատամարտիկների հարազատներ, Արտակ Սարգսյանի ծնողները, հարազատները, դասընկերները:
Դպրոցի տնօրեն` տիկին Ն. Անդրեասյանը բարձր մակարդակով ընդունեց հյուրերին, ընդառաջեց նրանց հերոսների անմահ հիշատակը հավերժացնող հուշանկյան մոտ, որտեղ իրենց հարգանքի տուրքը մատուցեցին զոհված մարտիկներին: Այնտեղից տեղափոխվեցին VԱ դասարանի դասասենյակ, որը պետք է անվանակոչվեր Արտակ Սարգսյանի անվամբ: Դասարանի բացման և կարմիր ժապավենը կտրելու պատիվը տրվեց հերոսի մայրիկին` տիկին Անահիտին:
Դահլիճում միջոցառման համերգային մասը սկսեցին Տեր Հոր օրհնությամբ և տերունական աղոթքով, ապա մեկ րոպե լռությամբ հարգեցին զոհվածների անմահ հիշատակը:
Հիշատակվեցին նաև դպրոցի բոլոր այն շրջանավարտների անունները, ովքեր հավերժացան իրենց անմահ սխրանքով, և կյանքը նվիրեցին հանուն մեր խաղաղության: Այդ քաջ հերոսներն են` Մարտին Վարդանյանը, ում ծննդյան օրն էր նաև, Լոլիտա Վարդանովան, Գուբուշկին Ալեքսանդրը, Մխիթար Մելքոնյանը, Արտակ Խաչատրյանը, Գագիկ Բարսեղյանը, Ներսիկ Մկրտչյանը, Վարդան Փրվեյանը, Մանվել Ղահրամանյանը, Սերժիկ Հակոբյանը և Սարգիս Գալստյանը։
Միջոցառումը հուզել էր բոլորին: Բոլորը հուզված էին: Բոլորին մեկ ցավ էր կապել:
Միջոցառման համերգային մասը ավարտվեց ՀՀ պաշտպանության նախարարության սպայի տան «Զորական» անսամբլի ելույթով, գեղարվեստական ղեկավար` Արամ Գալստյան:
Հյուրերը իրենց սրտի խոսքը ուղղեցին որդեկորույս Անահիտ մայրիկին, մխիթարելով և սփոփելով նրա սրտի ցավը:
Հավարտ միջոցառման Տեր Հայրը եկեղեցու և երիտասարդաց միության անունից միջոցառման մասնակից երեխաներին նվիրեց աղոթագրգեր և օրհնված խաչեր, իսկ զինվորի մայրիկին, դասղեկին և դպրոցի տնօրենին փոքրիկ հուշանվերներ:
ԿԵՆՍԱԳՐՈՒԹՅՈՒՆ
Արտակ Սարգսյանը ծնվել 1993թ. հուլիսի 27-ին Վեդի քաղաքում: Սովորել է Վեդու հ2 հիմնական դպրոցում: Գեղեցկադեմ էր, բարի, ընկերասեր: Շատ է սիրել մաթեմատիկա առարկան: Հաճախ մասնակցել է մաթեմատիկական մրցույթների, և ստացել պատվոգրեր: Անհագ հետաքրքրություն ուներ հայոց պատմության նկատմամբ: Չէր սիրում ստախոսներին, վախկոտներին: Արտակը ստիպված է լինում թողնել ուսումը և աշակերտական նստարանին դեռ լիարժեք հրաժեշտ չտված ուսերին առնել հոր` ոստիկանության նախկին ծառայող Վաղարշակ Սարգսյանի բուժման հոգսը: Շատ էր սիրում կյանքը, բայց կյանքից շատ սիրում էր իր հայրենիքը: 2015թ.-ի հունվարի 23-ին թեժ պայքարի ընթացքում փոխհրաձգության ժամանակ Արտակը ընկերոջ կյանքը փրկելով արիաբար զոհվում է:
Հավերժ փառք քեզ հերոս, որ քո կյանքը զոհեցիր հանուն մեր խաղաղ առավոտների
Присоединяйтесь к ОК, чтобы подписаться на группу и комментировать публикации.
Нет комментариев