Предыдущая публикация
Նամակն ուղղված է մեր բոլոր զինվորներին :
Խնդրանք էջը հավանել և տարածել, թող արյուախում թշնամին իմանա, որ հայ ազգն իր հավատի և միասնության մեջ անպարտելի է:
Բարև, իմ քաջ զինվոր: Տոնդ շնորհավոր լինի: Եղիր առողջ, հաջողակ և անփորձանք:
Հարցնել, թե ինչպես ես, կարիք չեմ տեսնում, քանի որ գիտեմ, թե ինչ ես ապրում և ինչպես ես վերապրում ամեն օրդ: Եղանակին դու հաշվետու չես, քեզ համար նշանակություն չունեն նրա դրսևորումները: Դու քարի պես անհնազանդ ես նրան: Քո սրտում և հոգում խառնվել են սերն ու կարոտը, վախն ու արիությունը, ապստամբություն և հնազանդություն: Ուսերիդ վրա կրում ես ազգիդ ապահովության պատասխանատուն և դժվարին բեռը: Շատերը հաճախ են մոռանում գոյությունդ, վտանգն ու վախը, որ հանկարծ մարմինդ կխոցի թշնամու գնդակը: Ոչ ոք չի հասկանա, թե ինչ բարդ ու դժվար է հոգեկան աշխարհդ հարմարեցնել ամեն պայմանի, հնազանդեցնել անձդ ամեն իշխանության, ամեն հնչող հրամանի…
Մենք քեզ շատ ենք սիրոմ, անհամբեր սպասում ենք քո վերադարձին: Հպարտ եմ քեզնով, հայ զինվոր, հայ բանակ, որ ամեն քաջ զինվորով ես ամրանում, որ առանց քո զինվորի դու չկաս ուառանց քեզ չկա ազգ, չկա պետություն…:
Следующая публикация
Комментарии 3