Ойлар бутун турарми, айт?
Мен бўлмасам дунёйингда,
Жонинг зарра куярми, айт?!
Мен бўлмасам сочларингни
Бармоғида тарайди ким?
Ўзи қолиб Худойимдан,
Сенга умр тилайди ким?!
Мен бўлмасам уйларинга,
Соғинч кўчиб келмайдими?
Мен йўқ бўм-бўш юрагинга
Эга чиқиб олмайдими?
Мен бўлмасам оқ тонгларинг
Қароланиб отмайдими?
Яна оқшом ғариб Қуёш,
Қучоғинга ботмайдими?
Куйдирмасми қўлларингни,
Мен узатмас пиёла ҳам.
Тополмайин мендек фидо,
Излаб икки дунёда ҳам.
Боғларингдан қумри қушлар,
Мангу кўчиб кетмайдими?
Бирон шоир сенга атаб,
Биронта шеър битмайдими?
Кўнгил ярим ўзи асли,
Чорактага бўлинмасми?
Мен бўлмасам, йўқликларим,
Сенга зарра билинмасми?
Кўкрагингни зириллатиб,
Юрак зарблар урмайдими?
Жон чиқарга жой ахтариб,
Томоғингда турмайдими?
Яшай олдинг ишқсиз бир кун,
Ооо, қанчалар ҳавасдамен.
Ҳаёлимда сен бўлмасанг,
Бил, мен сўнгги нафасдамен!
Присоединяйтесь к ОК, чтобы подписаться на группу и комментировать публикации.
Комментарии 3