Biznikidan go'zal oqqan soy bormi.
Oy bitta, bundan ham go'zal oy bormi,
Vatanini sevgan har o'zbek uchun,
O'zbekistondan ham yaxshi joy bormi?!
Tushingda ko'rganing o'ngda so'zlama,
Begona yurtlarda manzil ko'zlama,
Tuprog'ingdan aziz makon izlama,
O'zbekistondan ham yaxshi joy bormi?!
Qara, rivojlanish, o'zgarishlarga,
Dunyo havas qilgan bunday ishlarga,
Qancha imkon berdi bizdek yoshlarga,
O'zbekistondan ham yaxshi joy bormi?!
Baxtga to'lib yasha, omading yormi,
Asragin g'ururing, nomusu orni,
Ko'zlarimga qarab aytgin, ey yurtdosh,
O'zbekistondan ham yaxshi joy bormi?!
Bizning tuproqdan ham aziz bo'lganda,
Ketgan bo'lar edi Amir Temurlar.
Bizning tuproqdan ham aziz bo'lganda,
Yig'lab sog'inmasdi Mirzo Boburlar.
Ajdodlar qabrini ziyorat qiling,
Ko'ngilda ilmdan imorat qiling,
Shunday sajdagohga sadoqat qiling,
O'zbekistondan ham yaxshi joy bormi?!
Qay yurtda urushlar, qayda notinchlik,
Qay yurtda kasallik, qay yurtda ochlik,
Bizda esa qarang, osuda tinchlik,
O'zbekistondan ham yaxshi joy bormi?!
Bir viloyat nomi shoir nomida,
Hazrati Navoiy qalb ardog'ida,
Buyuk karvonimning sarboni bordir,
Aziz Qaroqalpoq bir tomonimda.
Vaqt topib vodiyni sayohat qiling,
Samarqand sayqalin mo'jiza biling,
Buxoroyu, Xiva haybatin ko'ring,
O'zbekistondan ham yaxshi joy bormi?!
Boring Surg'ondaryo tomonlarga siz,
Qashqadaryo, Jizzax, Sirdaryo tengsiz,
Bugungi Toshkentni kelib ko'ring siz,
O'zbekistondan ham yaxshi joy bormi?!
Ahad Qayum yozar sevib tuprog'in,
Bir lahza bosolmay qalbin titrog'in,
Abadiy yashnasin vatanim-bog'im,
O'zbekistondan ham yaxshi joy bormi?!
Biznikidan go'zal oqqan soy bormi,
Oy bitta, bundan ham go'zal oy bormi,
Vatanini sevgan har o'zbek uchun,
O'zbekistondan ham yaxshi joy bormi?!
Ahad Qayum
Присоединяйтесь к ОК, чтобы подписаться на группу и комментировать публикации.
Комментарии 13