Унинг қўшиқлари маҳзун,унинг кўзлари маҳзун эди.Унинг овозида сеҳр,қалбида Худо берган дард бор эди.У бир денгиз,у бир уммон эди гўё!Қўлимга қалам тутиб ёзяпману,бехос кўзим олдида беғубор,бетакрор ёшлигим жонланяпти.Мен унинг оҳанграбо қўшиқларини тинглаб улғайдим,унинг ишққа тўла,муҳаббатгалиммо-лим наволари оғушида тўлғониб ўсдим.Бу қўшиқлар мени йиғлатди,куйдирди,ўтга солди.Йигит ёшига етиб бир санамга кўнгил қўйиб,ҳижронда минг пора бўлиб ётган чоғларимда менга ҳамдамбўлди,тиргак бўлди.Бир қулоқ тутинг-а,"Қайлардасан,-биринчисевгим,Қайлардасан,-синфдош қизим?"Ҳали ҳануз қулоғим остида ҳофизнинг мунгли,гўзал,Худо берган дардга тўла қўшиқлари жаранглайверади,жаранглайверади.Мени тинглаб,ўқиб турганлар аллақачон англашди,сўз Ўзбекнинг эрка фарзанди,мард,танти ўғлони,буюк,ҳа,буюк санъаткор"Шуҳрат" медали совриндори,"Ўзбекистонда хизмат кўрсатган артист" Охунжон Мадалиев ҳақида кетмоқда.Ҳа,униҳамма танирди,ҳурмат қиларди,етти ёшдан,етмиш ёшгача севиб тингларди.У қирқ ёшга тўлмасдан туриб ёруғ Оламни тарк этди.Ҳали қирқ ёшга ҳам тўлмай туриб милионлаб қалбларни забт этди,қанчасавобли ишларга қўл урди.Орамизда шундай кишилар борки,асрларни асрларга улаб яшайдилар,аммо уларнинг бор ёки йўқликлари ҳеч кимга сезилмайди.Бировга яхшилик раво кўрмай Дунёни тарк этиб кетганлар қанча?Аммо Охунжон Мадалиевдан асрларга татигулик мерос,хазина баробаринда,қанча савобли ишлар,одамгарчилик қолди.Ҳазрат Фузулий:"Қисқагина умр кўриб,мангу яшаб келаётган зотларга қаранг..."деганэканлар.Йиллар ўтди,қанча ҳофизлар чиқиб,қанча диллар хушнуд бўлди.Унинг қўшиқлари қайта куйланди,бошқа қўлларда чолғулар йиғлади,ҳатто баъзи бирлар унинг қалб қони билан айтган ўлмас,афсона қўшиқларини бузиб,ўзгача йўлларда куйлашди.Аммо эл барибир ўша афсонавий,эл оғзида достонларга айланиб кетган қўшиқларни тинглайверди,тинглагани сайин меҳриошиб,соғиниб тинглади.Ҳа,у афсонавий санъаткор,буюк санъаткорэди.Сизни соғиндик Охунжон акам...
04.02.2013
.КАМОЛИДДИН ШУКУР.
@kamoliddinshukur1
Присоединяйтесь к ОК, чтобы подписаться на группу и комментировать публикации.
Нет комментариев