Выбары прызначылі пасля таго, як папярэдні прэзідэнт Ібрахім Раісі загінуў у маі ў выніку крушэння верталёта. Другі тур выбараў прыйшлося праводзіць пасля таго, як ніводны з кандыдатаў не атрымаў большасці галасоў у першым туры 28 чэрвеня.
Масуд Пезешкіян, былы кардыяхірург, падчас перадвыбарнай кампаніі крытыкаваў іранскую паліцыю нораваў, якая сочыць за выкананнем жанчынамі «мусульманскага дрэс-кода». Ён таксама публічна крытыкаваў урад Раісі, што смерць 22-гадовай Махсы Аміні, якая памерла пасля затрымання паліцыяй нораваў, не расследавалі належным чынам.
Выбраны прэзідэнт падчас перадвыбарнай кампаніі абяцаў зняць некаторыя абмежаванні на карыстанне інтэрнетам у Іране, дзе блакуюцца амаль усе рэсурсы, якія фізічна не знаходзяцца ў краіне. Акрамя таго, Пезешкіян заклікаў да «канструктыўных перамоваў» з Захадам наконт аднаўлення ядзернай здзелкі 2015 года, у межах якой Іран пагадзіўся абмежаваць сваю ядзерную праграму ў абмен на паслабленне заходніх санкцый.
Хоць Пезешкіян лічыцца рэфармістам, ён глыбока адданы духоўнаму лідэру Ірана аятале Алі Хаменеі. Некаторыя эксперты не чакаюць ад новага прэзідэнта чагосьці большага, чым змякчэння тону ў адносінах да ўнутранай апазіцыі.
Крыніца: https://www.bbc.com/russian/articles/c2v0l123y9wo
Присоединяйтесь к ОК, чтобы подписаться на группу и комментировать публикации.
Комментарии 1