Предыдущая публикация
🔹 КІНО
На гэтых выходных у кінатэатрах Гомеля можна паглядзець камедыйны баявік з Эдзі Мёрфі «Полицейский из Беверли-Хиллз: Аксель Фоули» (18+). Яшчэ адна прэм’ера тыдня – расійская камедыя «Водитель-олигарх» (16+).
Калі хочацца паглядзець нешта незвычайнае – зазірніце ў нядзелю ў кінаклуб Новага мастацкага тэатра. Там будуць глядзець венгенрскі фільм 1960-х «Мальчишки с улицы Пала».
Дзе: вуліца Барыкіна, 155 (ГЦ «Мебельный квартал», 2 паверх)
Калі: 21 ліпеня (нядзеля), 19:30
🔹ТЭАТР
Тэатр лялек запрашае дзетак ад 6 гадоў на спектакль-казку «Карлик Нос» у 2 дзеях.
Дзе: вуліца Пушкіна, 14
Калі: 21 ліпеня (нядзеля), 11:00
Кошт: 14 рублёў
А ў Маладзёжным тэатры ставяць спектакль «Тайна заячьего дерева» для самых маленькіх гледачоў (0+).
Дзе: праспект Леніна, 10
Калі: 20 ліпеня (субота), 11:00
Кошт: 10 рублёў
А дарослыя змогуць удосталь пасмяяцца на пастаноўцы чорнай камедыі Гомельскага драматычнага тэатра «Цианистый калий… С молоком или без?» (16+).
Дзе: плошча Леніна, 1
Калі: 20 ліпеня (субота), 18:00
Кошт: ад 8 да 25 рублёў
🔹 МАЙСТАР-КЛАСЫ
Чытай-хатка ладзіць майстэрню лялек-абярэгаў. Гэтым разам будуць рабіць сонечнага каня з ільняных нітак. Кажуць, ён спрыяе здзяйсненню мар!
Дзе: Бібліятэка-філіял №2, праспект Кастрычніка, 29
Калі: 20 ліпеня (субота), 12:00
Кошт: 5 рублёў
🔹 ВЕЧАРЫНКІ
Вялікая летняя вечарынка Open Summer пройдзе ў прасторы «Цэх». Арганізатары рыхтуюць дзве вялікія сцэны: танцпляц ад Yo Party і мінскай каманды «Гештальт». Яшчэ абяцаюць танцавальны батл у вольным стылі ад Sky Move і выставу мінскага мастака Сярожы Савіча. Да слова, наведвальнікі таксама змогуць памаляваць і стварыць агульнымі намаганнямі новы гарадскі культурны артэфакт гэтага лета. Вечарынка 18+.
Дзе: вуліца Падгорная, 10Л
Калі: 20 ліпеня (субота), 18:00
Кошт: 20 рублёў
Калі вам больш па душы сярэднявечны рок, то можна зазірнуць у бар «Квартирник» на канцэрт брэсцкага гурта «Вока Чарота» і паслухаць песні пра вядзьмарак, цмокаў і лепрыконаў.
Дзе: Білецкі спуск, 1
Калі: 20 ліпеня (субота), 21:01
Кошт: 10 рублёў
Незабыўных вам выходных!
Следующая публикация
Нет комментариев