С. Пушкин
Перевод на ногайский язык
Иса Капаев.
А.С.Пушкиннен
Мен эстелик ясадым оьзим оьзиме,
Халк сокпагы ога йойылмас эш бир де,
Ол турар Александр столптан бийик оьрде,
Оьктем басы да бойсынмас эш бир ерде.
Йок, мен савлай йогалмаспан оьлгенде,
Яшар яным йыр шыгарган оьнерде.
Сый алырман шет-кыйырсыз аьлемде,
Сонда сынъар тири шайыр юрсе де.
Данъкым меним шыгар буьтин орыс элде,
Айтарлар атымды халклар туьрли тилде:
Айтар оьктем улы славяннынъ, финн эм де
Анъ тунгус та, калмык та кенъ шоьлде.
Халк эсинде каларман дайым суьйдимли:
Неге десенъ тувдыргаман суьюв юректе,
Зорлык аьсирде шакыргаман эркинликке,
Садака да берип билгемен каьрипке.
О, муза, тынъла Кудай айтканына,
Уьйкенсиреме, тартылма таьж боьркке,
Ялганнан эм мактавдан тур эректе,
Акмак пан да айкасып, бос эриспе.
Ногайшага орыс тилден коьширген Иса Капаев.
Присоединяйтесь к ОК, чтобы подписаться на группу и комментировать публикации.
Нет комментариев