РУВИКИ Википедия идеяларына нигеҙләнгән, әммә ул башҡаса ойошторолған, технологик яҡтан үҫеше лә бүтән. Унда материалдарҙың дөрөҫлөгөнә баҫым яһала: Рәсәй Фәндәр академияһы, Президент китапханаһы, музейҙар, профессиональ ассоциациялар менән стратегик партнерлыҡ тураһында килешеүҙәр төҙөлгән. Улар һөҙөмтәһендә 2700-ҙән ашыу материал тикшерелгән, был хаҡта махсус билдәлә ҡуйылған. Уларға хаталаныуҙан ҡурҡмайынса һылтанырға мөмкин. Йыл аҙағына тиклем авторҙар өсөн геймификация индереү, контентты персоналләштереү һәм нейроселтәр менән эш итеү күҙаллана.
Знциклопедияны Рәсәй халыҡтары телдәрендә үҫтереү айырым стратегик йүнәлеш булып тора. Әлеге ваҡытта рус, алтай, башҡорт, бүрәт, вепс, ингуш, ҡалмыҡ, коми, коми-пермяк, карел (ливвик һөйләше), мари, муҡшы, саха (яҡут), татар, тува, удмурт, хакуан телдәрендә бүлектәр тулыһынса эшләй.
Башҡорт телендәге бүлек әүҙем үҫешә. 2024 йылдың июленә ҡарата мәғлүмәттәр буйынса, бүлектә мәҡәләләр һаны 65,5 меңдән артып китә. Энциклопедия ҡыҙыҡлы һәм уникаль мәҡәләләр исемлеген төҙөгән. Унда, мәҫәлән, 112-се Башҡорт кавалерия дивизияһы яугирҙәре, Муса Мортазиндың көрәштәштәре һәм 1812 йылғы Ватан һуғышында ҡатнашыусылар исемлеге ингән. Шулай уҡ Рәсәйҙең күп төбәктәрендә "Айыҡ ауыл" программаһы тәжрибәһе менән ҡыҙыҡһыналарм икән.
"Беҙ башҡорт телендә иркен аралашҡан һәм яҙышҡандарҙың һәммәһен дә РУВИКИ ирекмәндәр хәрәкәтенә ҡушылырға һәм энциклопедияны һанлы киләсәк донъяһында мәҙәниәтебеҙҙе һаҡларға мөмкинлек биргән яңы материалдар менән тулыландырырға саҡырабыҙ", - ти РУВИКИ интернет-энциклопедияһының Рәсәй халыҡтары телдәрендәге төбәк бүлектәре эшен координациялау бүлеге етәксеһе Рөстәм Ғатауллин.
Нет комментариев