Ватан һағына үҙ теләге менән юлланған өс бала атаһы Бөрйән районынан:
"Үҙебеҙҙең ауыл тирәһенән алып ҡарағанда ла, әллә күпме егеттәребеҙ ҙур илебеҙҙә хәл киҫкенләшеү менән мобилизацияланды, үҙ теләктәре менән МХО-ға юлланды. Мин дә был хаҡта оҙаҡ уйланып йөрөнөм. Һәм 2023 йылдың сентябрендә МХО-ға юлландым. Тәүге хәрби күнекмәләрҙе Ростов на Дону ҡалаһында үттем. Оҙаҡ та булманы, МХО-ға бүлеү башланды. Баштан уҡ дуҫлашып өлгөргән егеттәр менән бергә эләгергә тырышлыҡ булғандыр инде, мине лә, етәкләп тигәндәй, артиллеристар бригадаһына яҙҙырып та ҡуйҙылар һәм “Тюльпан” тип аталған иң ҙур миномет расчетына билдәләнеләр.
Һуғыш барған ерҙең үҙ принциптары. Беҙҙе ул үҙ-ара эскерһеҙ дуҫлыҡҡа ғына түгел, бер-береңә ярҙам итеп, бер-береңде ярты һүҙҙән аңлап тороусы иң ҡәҙерле кешеләргә әйләндерҙе. Расчеттағы 6 кеше бер туғандай булып үҙебеҙгә тәғәйенләнгән бурыстарҙы үтәргә өйрәндек", - ти яугир.
"Бухгалтер" ялдан һуң МХО биләмәһенә ҡабат юллана. Уғв һәм барлыҡ ил һаҡсыларына именлек, һаулыҡ теләйек. Еңеү яулап, һәр ҡайһыһына үҙ өйөнә имен-һау әйләнеп ҡайтырға яҙһын.
Присоединяйтесь к ОК, чтобы подписаться на группу и комментировать публикации.
Комментарии 3