Башҡортостан ҡыҙы МХО-ла һынатмай.
Стәрлетамаҡтан “Муза” ҡушаматлы яугир былтыр Оборона министрлығы менән контракт төҙөп, махсус хәрби операцияға киткәйне. Ул мотоуҡсылар ғәскәрҙәрендә медицина ротаһында хеҙмәт итә. “Беҙ көн һайын һалдаттарға беренсе һәм кисектергеһеҙ ярҙам күрһәтәбеҙ”, - ти ул.
Ул "ҡыҙыл зона"ла эшләй. Ауыр яралыларҙы госпиталгә ташый һәм юлда тәүге ярҙам күрһәтә. Илһөйәр ҡатын махсус хәрби операция башланғандан алып, март айынан, фронтҡа эләгеү өсөн хәрби комиссариат тупһаһын тапай. Тик һәр ваҡыт "беҙ МХО-ға ҡатын-ҡыҙҙарҙы алмайбыҙ", тигән яуап ишетә. "Бер көндө миңә хәрби комиссариаттан шылтыратып, медицина комиссияһын үтеү, тейешле документтар йыйыу кәрәклеген әйттеләр. Мин быларҙың барыһын да бик тиҙ генә эшләнем. Шуны әйткем килә: ҡатын-ҡыҙ ҡулдары һәр саҡ кәрәк, айырыуса ауыр шарттарҙа. Юҡҡа ғына беҙҙе көсһөҙ зат тип атайҙар" , тип дауам итә "Муза".
Яугир фельдшер, медбрат, водитель менән дүртләүләп эшләй. Төркөмдә бурыстарҙы айырмайҙар, барыһын да тигеҙ һәм килешеп эшләй. "Муза" кәрәк икән руль артына ла ултыра, машинаны ла төҙәтә. Яу яланына яралыны сығарыу өсөн ни бары өс минут ҡына бирелә. Дрондар туҡтауһыҙ эҙәрлекләй, шуға ла бер урында оҙаҡ туҡтарға ярамай. "Беҙ - бер команда, тик шулай ғына иҫән ҡалырға мөмкин. Әлбиттә, ҡурҡыу тойғоһо бар. Иҫәрҙәр генә ҡурҡмай. Ләкин беҙ еңеүеребеҙгә, үҙебеҙҙең батыр егеттәребеҙгә ышанабыҙ", - ти ҡыйыу ҡатын. Өйҙә уны коллегалары һәм уның менән ифрат ғорурланған ғаиләһе көтә. Уға күптән түгел “Һәләк була яҙғандарҙы ҡотҡа
рған өсөн” миҙалы тапшырылған.
Присоединяйтесь к ОК, чтобы подписаться на группу и комментировать публикации.
Нет комментариев