Сарыш наҥгайыме мари пӧръеҥ верч кажне кечын кумалме мут
Ош Поро Кугу Юмо, Тӱня Юмо, Кугу Серлагыш Юмо, Пӱрышӧ Юмо, Мер Кугу Юмо, Ош Кече Ава, Поро Шочын Ава, Поро Мланде Ава, Вуйӱмбал Суксо, Вуйӱмбал Серлагыш, Сурт Юмо, Корно Оза, а теве таче кече ваштареш шогалын пелештен шогем. Мӱндыр мландыште, пошкудо элыште, кугу тӱнямбалысе сарыште улшо иза-шольо, ача-эрге да чыла мари пӧръеҥ верчын сӧрвален кумалын шогем. Чыла мари калыкетым, пошкудо калыкетым да моло тӱнямбал калыкетым арален серлагенак шогыза. Сар тул когартыме деч, шокшо вӱр йоктарыме деч саклен арален шогыза. Ончык илыш корным волгалтарен шогыза. Кугу тул деч, кугу вӱд деч, кумдан шарлыше чер деч, йӱштӧ кӱртньӧ деч, аяр пычалтар деч, сар шӱлыш деч, ир янлык деч, осал еҥ деч, еҥ осал деч, тура лавыра мут дечын да йоҥылыш ыштыме дечын тичмаш аралтыш ден арален серлаген шогыза. Илыш корным вияшым ыштен, волгалтарен, у кӱкшытыш кӱзыктен, шке илыме верышке мӧҥгыш савыртен, чын корно дене ошкылаш, таза шке ешышке пӧртылаш полшен шогыза. Поро шӱлышан еҥым, полшаш шонышо, мелын шогышо еҥ-влакым родемын ончыко илыш корныш луктын шогалтыза. Осал шӱлышан еҥ тӱшкам, ыштыме сомылым чараш шонышо да тореш шогышо еҥ-влакым, тора деч тора, мӱндыр деч мӱндыр ӧрдыж корныш кораҥден колтыза да осал шӱлышым шулыктен пытарен колтыза. Пӱтынь марий калыклан ший тӱсан волгыдо аралтыш лийза да илышаш кече дене толын товылен толын йывыртыктен шогыза. Пелештыме мутем шотыш налын, ашым ыштен, йӧратен налын шогыза. Кавыл лийже. Алал лийже!
!!! Пагалыме мари родем-влак.
Тиде пелештыме мутым мари коклаште кумдан шарен колтыза!
Кажне кечын алал чон кумыл дене кумалаш кӱлеш. Тыныс лийже мемнан илыште да ончыкжат поро пиалан, перкан илыш волгалт шогыжо. Илышаш кечына куандарен толжо.
#чийӱла #пелештымемут #онаеҥ #сугынь #тыныслийже
Комментарии 61
Это та же молитва о даровании добра, любви к ближним
*с переводом на русский язык*
Поро Ош Кугу Юмо! Пӱрышӧ Юмо, Кугу Серлагыш, Эр Ӱжара, Ош Кече Ава, Шочын Ава, Суксо Серлагыш. //имя Бога и его помощников не переводится// Эрдене помыжалтын (утром проснувшись), яндар вӱд ден шӱргым шӱалтен (чистой водой умывший себя), Поро Юмем деч (от доброго Бога) пелештен полышым йодам. (в молитве прошу помощи) А таче кечын мом ужаш - колаш логалеш (всё, что сегодня предстоит увидеть – услышать), чылажымат кӱлеш семын вашлияш
ӱнарым пуэн шогыза (даруй силы принять как должное, нужное). Поро сомылым ыштен шогаш (для всех добрых дел), шочшемлан, ешемлан, родо тукымемлан сай серлагышым пуэн шогыза. (для моих детей, для моей семьи, для моего рода пошли доброе
благословение) Коштмо корныштемат, (на всех моих дорогах) ыштыме сомылыштемат
(во всех моих делах) полшаш шонышо еҥым луктын шогыза. (добрых людей, желающих
помочь, напрвь ко мне) Осал еҥжым (злых, плохих людей) тора деч тора, мӱндӱр деч мӱндӱр ӧрдыж корно ден кораҥден колтыза. (...ЕщёУтренняя молитва
*с переводом на русский язык*
Поро Ош Кугу Юмо! Пӱрышӧ Юмо, Кугу Серлагыш, Эр Ӱжара, Ош Кече Ава, Шочын Ава, Суксо Серлагыш. //имя Бога и его помощников не переводится// Эрдене помыжалтын (утром проснувшись), яндар вӱд ден шӱргым шӱалтен (чистой водой умывший себя), Поро Юмем деч (от доброго Бога) пелештен полышым йодам. (в молитве прошу помощи) А таче кечын мом ужаш - колаш логалеш (всё, что сегодня предстоит увидеть – услышать), чылажымат кӱлеш семын вашлияш
ӱнарым пуэн шогыза (даруй силы принять как должное, нужное). Поро сомылым ыштен шогаш (для всех добрых дел), шочшемлан, ешемлан, родо тукымемлан сай серлагышым пуэн шогыза. (для моих детей, для моей семьи, для моего рода пошли доброе
благословение) Коштмо корныштемат, (на всех моих дорогах) ыштыме сомылыштемат
(во всех моих делах) полшаш шонышо еҥым луктын шогыза. (добрых людей, желающих
помочь, напрвь ко мне) Осал еҥжым (злых, плохих людей) тора деч тора, мӱндӱр деч мӱндӱр ӧрдыж корно ден кораҥден колтыза. (самой дальней дорогой, в стороне
от меня, отведи) Коштмо корныштемат тичмаш поро аралтыш ден арален шогыза. (на всех жизненных путях моих, высшей защитой своей, защити меня) Илыме суртымат волгалтарен шогыза.(освяти своей благостью моё жилище) Пелештыме мутем Ашеш кайже! (да будет сказанное мной – Истина)