Предыдущая публикация
Видео
Похожие видео
Рекомендации для вас
03:46
Европарламент президент Шавкат Мирзиёевдан нимани истайди? - BBC Uzbek
9.4K просмотров
2 апр 2019Европа Иттифоқи Ўзбекистон билан шериклик ва ҳамкорлик битимини янгилашга тайёргарлик кўряпти.
Бу шартнома имзоланишидан олдин Европа Парламенти депутатлари Ўзбекистон раҳбариятининг сиёсий ислоҳотларда илгари силжишга эришишини, инсон ҳуқуқлари ва матбуот эркинлигига қатъий риоя қилишини истайдилар.
Европарламент Ўзбекистон ҳукуматига тавсия этган ҳисобот 26 март куни Евродепутатлар томонидан маъқулланган.
Бу ҳисоботида Европа қонун чиқарувчилари Иттифоқ раҳбариятини Ўзбекистондаги ислоҳотларни диққат билан кузатиб боришга чақиради.
Евродепутатлар Ўзбекистондаги суд тизимининг чиндан ҳам мустақиллигига олиб келадиган сиёсий ва демократик ислоҳотлар тўла ижро этилиши устидан мониторинг олиб боришни маслаҳат беради.
Шунингдек, чин рақобатга асосланган сайлов натижасида Ўзбекистонда ҳақиқий мустақил парламентни барпо этиш лозимлиги урғуланган Европарламент ҳисоботида.
Евродепутатлар Ўзбекистонда инсон ҳуқуқларини муҳофаза этиш, гендер тенглигини таъминлаш ва матбуот эркинлиги йўлида кўпроқ қадамлар ташланишини истайдилар.
Европа Парламенти Ўзбекистонда сиёсий тутқунлар озодликка чиқарилганини олқишлаган, бироқ Ўзбек расмийлари "бу тутқунларнинг тўла реабилитация қилиниши, дори-дармон ва даволанишга эга бўлишларини кафолатлашлари" зарурлигини уқтирган.
ЕИ билан Ўзбекистон ўртасидаги Комплекс шериклик ва ҳамкорлик шартномаси 1999 йили имзоланган ва ҳозирги пайтда Тошкент ва Брюссел ушбу битимни янгилаш мақсадида музокаралар олиб бормоқда.
Швецияда жойлашган Марказий Осиё Жамиятининг раиси Пўлат Охунов айтишича, Европапарламент тавсиялари жуда муҳим.
"Чунки бу тавсиялар асосида Еврокомиссия Ўзбекистон билан бўладиган музокараларда ўз позициясини ишлаб чиқаради", дейди Пўлат Охунов.
Свернуть
