Предыдущая публикация
И.Анненский
Белә идем таштан түгеллеген.
Тик уйладым: инде чыныкты!
Көйдерсеннәр, хәтта яндырсыннар –
Кичерде ул азмы чын утны?!.
Белә идем таштан түгеллеген:
Таш тынлыгы әле иңмәгән.
Кыраулары – таныш: көн-төн алыш!
Котып тыны әле тимәгән.
Белә идем таштан түгеллеген!
Хас дисезме ташка сызлану?!
Үлмәс төннең җеназасын укып,
Тәү күргәндәй, таңга таң калу?
Белә идем таштан түгеллеген...
Хәер, беләм микән таш хәлен?
“Таш та елый!..” дию кайдан дисез?..
...Таш – ярылган. Син түз, йөрәгем.
Лилия Сәгыйдуллина
#укы
Присоединяйтесь к ОК, чтобы подписаться на группу и комментировать публикации.
Нет комментариев