Предыдущая публикация
Ничек үлчи белмәгәнмен мин элгәре?
Ах, гомернең нинди кыйммәт, нинди кирәк
Минутлары, секундлары, мизгелләре.
Әйләнәм дә караш ташлыйм үткәннәргә,
Дисбе тарткан кебек саныйм ел, көннәрем.
Бурычымны кайтардыммы өлкәннәргә?
Алмашчыма килер өчен ни биргәнмен?
Бер карасам, бер чеметем гомеремнең
Бер чаткысы яктысыннан шатлык тоям,
Бер карасам, дисбе - гомер төймәсенең
Кителгәнен очратам да әрнеп куям.
Бары еллар үтү белән аңлашыла
Кадерләре ерак калган ел, көннәрнең.
Торган саен тирәнрәк эзе ачыла
Минутларның, секундларның, мизгелләрнең.
Клара Булатова
#укы
Присоединяйтесь к ОК, чтобы подписаться на группу и комментировать публикации.
Нет комментариев