Предыдущая публикация
Борма булды бугай юлларым...
Тик кем белә үзе бер кат узмый,
Кайда нинди туры юл барын...
Бардым шулай гомер юлларыннан
Берчә чабып... берчә капшанып.
Кайчакларда туры гына карап,
Кайчакларда читкә ташланып.
Уң якка да киткән чаклар булды...
Салулаган булды сул якка,
Гомер буе бертуктаусыз бардым
Язмыш кая куша - шул якка.
Узган юлларымнын барысы да
Гомер көзгесендә чагыла.
Ничек итсәм иттем, килеп җиттем
Гомеремнен шушы чагына.
Гомер юлларында адашмаска
Була микән, белмим, өйрәтеп.
Карта да юк кулда, компас та юк -
Язмыш йөртә безне ияртеп!
Роберт Миңнуллин
#укы
Присоединяйтесь к ОК, чтобы подписаться на группу и комментировать публикации.
Комментарии 1