Предыдущая публикация
Бу ялганны
Уйлап тапкан икән кайсысы?
Телем-телем итеп кисә җанны
Хакыйкатьнең үткер кайчысы.
Билчәннәрне йолкып алган чакта
Тамырлары кала күңелдә.
Ә син әйдә яшьләреңне сыпыр
Ялган көлүеңә күмел дә.
“Бар да үтә” диләр...
Бу юату?
Әллә
Елатырга мине маташу?
Төшем белән өнем чиге кайда?
Гасырлыкмы әллә саташу?
“Бар да үтә” диләр...
“Үтәме соң?”
Дип сорыйсы килә таулардан.
“Җәрәхәте йөрәкләрдә кала”
Дигән аваз кайта яулардан.
Дания Нәгыйм
#укы
Присоединяйтесь к ОК, чтобы подписаться на группу и комментировать публикации.
Нет комментариев