Предыдущая публикация
Чокырлы юлларда егылмый калулар -
Кайсыгыз башыннан үтмәгән?
Мәхәббәт утында ул дөрләп янулар,
Ялгышып, адашып ялгызың калулар...
Кайсыгыз башыннан үтмәгән?
Кемнәр соң язмышлар йомгагын сүтмәгән?
Бәхеттән шашынып күкләрне иңләгән,
Хыялый канатлар болытка үрләгән -
Кайсыгыз башыннан үтмәгән?
Кыяга бәрелеп канатлар каерылган,
Яраткан йөрәкләр кинәттән аерылган...
Кайсыгыз башыннан үтмәгән?
Тик тормыш,бу дөнья,яшәеш бетмәгән!
Тапканны югалтып юлларда калулар,
Яңарышлар эзләп талпынып алулар -
Кайсыгыз башыннан үтмәгән?
Якынын югалтып илереп елаган,
Буранга кушылып күңеле дулаган...
Кайсыгыз башыннан үтмәгән?
Тик менә беркемнең өмете бетмәгән...
Венера Мәхмүтова
#укы
Присоединяйтесь к ОК, чтобы подписаться на группу и комментировать публикации.
Нет комментариев