Предыдущая публикация
Тагын бер ел үтә,
Сырын сызып йөрәк түренә...
Олыгайган саен дөнья матур,
Яшәү тәмле булып күренә...
Еллар узган саен сагындыра
Онытылмас яшьлек иртәсе...
Кемнәр белә икән язмышларның
Каян алып, кая илтәсен...???
Эххх, үтәсе иде яшьлегемнең
Җырга күмеп моңлы урамын...
Яшь барса да, тоеп булмый әле,
Күңелемнең карлы буранын...
Саный сәгать безнең минутларны,
Чалын өсти еллар чәчләргә...
Ашыгабыз... Вакыт калмас кебек
Яшен булып җирдә яшьнәргә...
Күңел һаман яшь ул, атласак та
Һәр адымны санап картлыкка...
Яшик әле күмеп язмышларны,
Тулы бәхет, тулы шатлыкка...
Азат Хәкимҗанов
#укы
Присоединяйтесь к ОК, чтобы подписаться на группу и комментировать публикации.
Комментарии 7