Тоҷикистон ҳамасола тавлиди барқро афзоиш медиҳад.

Тафсилотро, ки кадом сохтори энергетикӣ соли гузашта чӣ қадар барқ истеҳсол кардааст, дар тасвирбаён бубинед.

"Васеъшавии НАТО ба муқобили кист?"

18 сол қабл Путин дар суханронии машҳури худ дар конфронси амниятии Мюнхен ба раҳбарони ғарбӣ ин саволро ироа карда буд.
Соли 2007 раисҷумҳури Русия эълон кард, ки барои ҷаҳони муосир намуди якқутбӣ на танҳо қобили қабул нест, балки комилан ғайриимкон аст.

Дар Тоҷикистон пайвандсозии узвҳо аз мурдаҳоро зарур хонданд.

Гарчанде қонунгузории кишвар барои ин иҷозат додааст, амалан пайвандсозии узвҳо амалӣ нашуда истодааст, иттилоъ дод вазири тандурустии Тоҷикистон, Ҷамолиддин Абдуллозода.
Дар ин самт гуруҳи корӣ фаъолият дорад, афзуд ӯ. Дар сурати ҳал шудани ин масъала мутахассисони тоҷик аз нигоҳи касбият тавони пайвандсозии ҳатто дилу ғадуди зери меъдаю рӯдаро доранд, таъкид кард вазир.

+25%: Трамп ислоҳоти тиҷорати Амрикоро идома медиҳад.

Боҷҳои нав ба фӯлод ва алюминии ба Иёлоти Муттаҳида воридшаванда таъсир хоҳанд кард. Гузашта аз ин, 25% ба болои тарифҳои мавҷуда ҷорӣ карда мешавад, гуфт президенти ИМА.
"Ин хеле сода аст: агар онҳо аз мо бигиранд, мо аз онҳо меситонем",- гуфт Трамп дар бораи ҷорӣ кардани боҷҳои иловагии мутақобила барои кишварҳои дигар.

Ба камбизоатон дар Тоҷикистон наздики 258 млн сомонӣ пардохт шуд.

Шумораи оилаҳои камбизоат, ки барои онҳо кумакпулии унвонии иҷтимоӣ таъйин гардидаст, беш аз 195 ҳазор ададро ташкил медиҳад, иттилоъ дод Вазорати тандурустӣ ва ҳифзи иҷтимоии аҳолии Тоҷикистон.

Тоҷикистон қасд дорад соли ҷорӣ ҳаҷми истеҳсоли алюминийро то 108 ҳазор тонна афзоиш диҳад.

Дар ин бора Вазорати саноат хабар дода, гуфт, ки истеҳсоли он дар соли 2024 ба 82,2 ҳазор тонна расидааст, ки 15,6 ҳазор тонна нисбат ба соли 2023 зиёд мебошад.
Бо ифодаи пулӣ истеҳсоли алюминий дар соли гузашта 230,2 млн сомониро ташкил дода, 47,3% афзуд, гуфт манбаъ.

Дар Тоҷикистон тавлиди 598 намуди дору ба роҳ монда шудаст.

Намуди доруҳои тавлиди ватанӣ дар соли гузашта 27 адад афзуд, иттилоъ дод Вазорати тандурустии Тоҷикистон.
Шумораи корхонаҳое, ки ба тавлиди дору ва молҳои тиббӣ машғуланд 6 адад афзуда, ба 67 расидаст.

Президент барои ҷоизадорони мусобиқаҳои байналмилалӣ наздики 1,8 млн сомонӣ ҷудо кард

Маблағи мазкур аз ҳисоби маблағҳои фонди захиравии президент барои мукофотонидани 46 ғолиб ва ҷоизадори мусобиқаҳои байналмилалии варзишӣ ва мураббиёни онҳо ҷудо мегардад.

Дар Тоҷикистон 1752 табиб ва 199 корманди миёнаи тиб намерасанд.

Дар умум дар ҷумҳурӣ ҳоло 22 ҳазор табиб ва 63434 корманди миёнаи тиб кор мекунад, гуфт вазири тандурустӣ Ҷамолиддин Абдуллозода зимни нишасти хабарияш.

Зеленский барои музокирот бо Русия изҳори омодагӣ кард.

Вай гуфт, омода аст бо Русия музокирот кунад, ба шарте ки ИМА ва Аврупо Киевро "напартоянд" ва кафолати амниятӣ диҳанд.

На танҳо занон: Дар Тоҷикистон мардон низ барои хушунат алайҳи бонувон шикоят кардаанд.

Раиси Кумитаи кор бо занон Бунафша Файзиддинзода зимни нишасти хабарияш гуфт, ки соли 2024 3200 шикоят ва муроҷиати марбут ба зӯровариро сабт кардаанд.
Ба иттилои манбаъ, аз ин шумора 2652 шикоят алайҳи мардон ва 554 шикоят нисбат ба занон аст.

Дар Тоҷикистон издивоҷ ва талоқ кам шудааст.

Ба гузориши Кумитаи занон, соли гузашта дар ҷумлурӣ 75197 издивоҷ сабт шудааст, ки 1247 ҳолат камтар аз соли 2023 аст.
Ҳамчунин дар ин давра 9 ҳазор ҷуфт аз ҳам ҷудо шудаанд, ки ҳудуди ҳазорто камтар шудааст.

Беш аз 1,7 млн тоҷикистонӣ бо мақсади сайёҳӣ ба Русия рафтаанд.

Тибқи гузоришҳои Хадамоти сарҳадии ФСБ-И Русия, дар соли гузашта 2,3 маротиба бештар аз соли 2023 марзи русияро бо мақсади сайёҳӣ убур кардаанд.
Кишварҳои Осиеи Марказӣ ва Чин пешсафанд: Қазоқистон (3,4 млн сафар), Узбекистон (3,36 млн), Тоҷикистон (1,7 млн) ва ЧИН (1,7 млн).
Шумораи умумии вуруд ба Русия бо тамоми ҳадафҳо 6,5% афзудааст, хабар додааст ФСБ .

Шаҳрдори Душанбе хостори қатъи сохтмонҳои ғайриқонунӣ шуд

Рустами Эмомалӣ хост, пеши қарорҳои ғайриқонунии раисон дар бораи замин ва сохтмонҳои худсарона гирифта шавад.
Раиси Маҷлиси миллӣ аз додситонӣ хост, иҷрои қатъии қонунгузорӣ дар бораи замин ва шаҳрсозиро таъмин созад.

Қариби 33 млн сомонӣ алимент ба манфиати модару кӯдак ситонда шуд.

Давоми соли гузашта ба Хадамоти иҷро беш 11 ҳазор санади иҷро оид ба ситондани маблағи алимент ворид гардидаст.
Аз солҳои пешин, дар маҷмуъ, 103 ҳазор ҳуҷҷати иҷро вобаста ба ситондани маблағи алимент дар баррасии иҷрочиён қарор дорад, иттилоъ дод Хадамоти иҷро.