Биноҳои чойхонаи "Ҳарбуза" ва меҳмонхонаи "Тоҷикистон" то ҳол фурӯхта нашудаанд.

Дар ин бора раиси Кумитаи сармоягузорӣ ва идораи амволи давлатии Тоҷикистон, Султон Раҳимзода иттилоъ дод.
Биноҳои мазкур борҳо ба савдо гузошта шуданд, аммо ҳанӯз харидоре пайдо нашудааст.

Дар Душанбе ҷаласаи XXIII Шурои роҳбарони палатаҳои савдо ва саноати кишварҳои ИДМ баргузор мегардад

Мактубҳои даъватӣ ба роҳбарони палатаҳои кишварҳои узви ИДМ ирсол гардида, баргузории ҷаласаи аввалин охири моҳи феврал дар назар аст, гуфт раиси Палатаи савдо ва саноати Тоҷикистон, Ҳайдар Раҷабов.

Мақомоти Тоҷикистон соли гузашта 47 шаҳрванди кишварро аз Сурия ба Ватан баргардонидаанд.

Ба гуфтаи Сироҷиддин Муҳриддин, вазири умури хориҷии Тоҷикистон, ҳукумат ният дорад, ба баргардонидани тамоми ҳамватанон аз Ироқу Сурия ноил шавад.
Дар маҷмуъ дар давраи аз соли 2019 то соли 2024 381 нафар ба Ватан баргардонида шуданд, гуфт ӯ дар нишасти хабарии ҳисоботӣ.

Тоҷикистону Қирғизистон ба имзои созишномаи марзӣ наздиканд

Хатҳои гузариши марзи миёни кишварҳо пурра муаян шуда, барои имзои аҳднома ҳоло танҳо чанд масъалаи дигар боқӣ мондааст.
Дар ин бора вазири корҳои хориҷии кишвар Сироҷиддин Муҳриддин зимни нишасти хабарияш иттилоъ дод.
Ба гуфтаи ӯ, масоили ҳалношуда ҷузъиёти техникии роҳе, ки миёни Исфара ва Ворух сохта мешавад, ва ҳамчунин чанд объектҳои обӣ ва истифодаи онҳо дар оянда, ки дар қаламрави ду кишваранд, мебошад.
Вазир афзуд, ки ҳоло ин масъалаҳо дар баррасии гуруҳҳои кории кишварҳо ҳаст, ки қариб ҳар ҳафта дар қаламрави ҳамдигар дидор мекунанд.

Тоҷикистон аз таҳдидҳои террористии бархоста аз Афғонистон нигарон аст

Интиқоли ҷангҷӯёни террористӣ ва идеологҳои онҳо аз минтақаи Ховари Миёна ба Афғонистон мояи нигаронист, изҳор дошт вазири корҳои хориҷии Тоҷикистон.
Дар ин шароит мақомоти салоҳиятдори Тоҷикистон барои пурзӯр намудани муборизаи зидди ин хатарҳо тамоми чораҳоро меандешанд, таъкид кард Сироҷиддин Муҳриддин.

Тоҷикистон соли гузашта ба хориҷ зиёда аз 2,4 млрд. кВт.соат барқ фурӯхтааст.

Ба гузориши “Барқи тоҷик”, ин нишондод нисбат ба соли 2023 203,9 млн. кВт. соат камтар аст.
Таъкид шудааст, ки неруи барқ дар мавсими серобӣ, яъне моҳҳои май-сентябр, асосан ба Афғонистон ва Ӯзбекистон фурӯхта шуд.

Дар Тоҷикистон имкон дорад қимати истифодаи барқ боз гарон шавад.

Дар ин бора “Барқи тоҷик” пешниҳоди дахлдорро иро кардааст.
Раҳбари ширкат Маҳмадумар Асозода зимни нишасти хабарияш гуфт, ки ин масъала ҳоло дар Хадамоти зиддиинҳисорӣ ва ҳукумат баррасӣ мешавад.
Дар ҳамин ҳол ӯ нагуфт, ки пешниҳодашон дар бораи гарон кардан то чӣ андоза буд.
Ҳоло ҳар киловатт-соат дар ҷумҳурӣ 30,75 дирам қимат дошта, охирин маротиба гароншари январи 2024 ба андозаи 16% сурат гирифта буд.

Эмомалӣ Раҳмон ба тафтиши соҳибкорон моратория ҷорӣ кард.

Ҳама намуди санҷишҳо, ба истиснои андозбандӣ манъ аст.
Қарор барои ҷалби сармоя, инчунин дастгирии давлатии соҳибкорӣ ва фароҳам овардани шароити мусоид барои соҳибкорӣ қабул шудааст.

24 шаҳрванди Узбекистон ва Тоҷикистонро аз асирӣ дар Қазоқистон наҷот доданд.

Микроавтобусе, кимусофиронро мебурд, дар вилояти Костанай вайрон шудаву дар роҳ мемонад.
Наҷотдиҳандагон ба ҷои ҳодиса рафта, 24 нафар, аз ҷумла 4 кӯдакро ба наздиктарин нуқтаи гармидиҳӣ интиқол доданд.

Тоҷикистон ҳамасола тавлиди барқро афзоиш медиҳад.

Тафсилотро, ки кадом сохтори энергетикӣ соли гузашта чӣ қадар барқ истеҳсол кардааст, дар тасвирбаён бубинед.

"Васеъшавии НАТО ба муқобили кист?"

18 сол қабл Путин дар суханронии машҳури худ дар конфронси амниятии Мюнхен ба раҳбарони ғарбӣ ин саволро ироа карда буд.
Соли 2007 раисҷумҳури Русия эълон кард, ки барои ҷаҳони муосир намуди якқутбӣ на танҳо қобили қабул нест, балки комилан ғайриимкон аст.

Дар Тоҷикистон пайвандсозии узвҳо аз мурдаҳоро зарур хонданд.

Гарчанде қонунгузории кишвар барои ин иҷозат додааст, амалан пайвандсозии узвҳо амалӣ нашуда истодааст, иттилоъ дод вазири тандурустии Тоҷикистон, Ҷамолиддин Абдуллозода.
Дар ин самт гуруҳи корӣ фаъолият дорад, афзуд ӯ. Дар сурати ҳал шудани ин масъала мутахассисони тоҷик аз нигоҳи касбият тавони пайвандсозии ҳатто дилу ғадуди зери меъдаю рӯдаро доранд, таъкид кард вазир.

+25%: Трамп ислоҳоти тиҷорати Амрикоро идома медиҳад.

Боҷҳои нав ба фӯлод ва алюминии ба Иёлоти Муттаҳида воридшаванда таъсир хоҳанд кард. Гузашта аз ин, 25% ба болои тарифҳои мавҷуда ҷорӣ карда мешавад, гуфт президенти ИМА.
"Ин хеле сода аст: агар онҳо аз мо бигиранд, мо аз онҳо меситонем",- гуфт Трамп дар бораи ҷорӣ кардани боҷҳои иловагии мутақобила барои кишварҳои дигар.

Ба камбизоатон дар Тоҷикистон наздики 258 млн сомонӣ пардохт шуд.

Шумораи оилаҳои камбизоат, ки барои онҳо кумакпулии унвонии иҷтимоӣ таъйин гардидаст, беш аз 195 ҳазор ададро ташкил медиҳад, иттилоъ дод Вазорати тандурустӣ ва ҳифзи иҷтимоии аҳолии Тоҷикистон.

Тоҷикистон қасд дорад соли ҷорӣ ҳаҷми истеҳсоли алюминийро то 108 ҳазор тонна афзоиш диҳад.

Дар ин бора Вазорати саноат хабар дода, гуфт, ки истеҳсоли он дар соли 2024 ба 82,2 ҳазор тонна расидааст, ки 15,6 ҳазор тонна нисбат ба соли 2023 зиёд мебошад.
Бо ифодаи пулӣ истеҳсоли алюминий дар соли гузашта 230,2 млн сомониро ташкил дода, 47,3% афзуд, гуфт манбаъ.

Дар Тоҷикистон тавлиди 598 намуди дору ба роҳ монда шудаст.

Намуди доруҳои тавлиди ватанӣ дар соли гузашта 27 адад афзуд, иттилоъ дод Вазорати тандурустии Тоҷикистон.
Шумораи корхонаҳое, ки ба тавлиди дору ва молҳои тиббӣ машғуланд 6 адад афзуда, ба 67 расидаст.

Президент барои ҷоизадорони мусобиқаҳои байналмилалӣ наздики 1,8 млн сомонӣ ҷудо кард

Маблағи мазкур аз ҳисоби маблағҳои фонди захиравии президент барои мукофотонидани 46 ғолиб ва ҷоизадори мусобиқаҳои байналмилалии варзишӣ ва мураббиёни онҳо ҷудо мегардад.

Дар Тоҷикистон 1752 табиб ва 199 корманди миёнаи тиб намерасанд.

Дар умум дар ҷумҳурӣ ҳоло 22 ҳазор табиб ва 63434 корманди миёнаи тиб кор мекунад, гуфт вазири тандурустӣ Ҷамолиддин Абдуллозода зимни нишасти хабарияш.