Дар Тоҷикистон хисорот аз фасод афзоиш меёбад.

Аар дар тамоми соли гузашта 345,4 млн сомонӣ ба хазина баргардонида шуда бошад, пас аз аввали соли 2024 ин рақам аллакай 333 млн -ро ташкил медиҳад, гуфт сардори Раёсати мубориза бо коррупсияи Ҷумҳурии Тоҷикистон Сулаймон Султонзода.

Театри ба номи Айнӣ мавсимро бо баромади бошукӯҳ дар Душанбе кушод.

Ба тамошобинон операи Шарофиддин Сайфиддинов "Рӯдакӣ» бо тафсири саррежиссёри театр Сӯҳроб Усмонов намоиш дода шуд.
Дар либретто порчаҳои дастнависи аслии ӯ, ки пештар истифода нашуда буданд, дохил карда шудаанд.
Намоиши густурда ба чанд санаи хотирмон, аз ҷумла Рӯзи истиқлоли Тоҷикистон, Рӯзи Рӯдакӣ ва ҳамчунин 95-умин солгарди зодрӯзи муаллифи опера бахшида шуд.

Покистон ба талошҳои Тоҷикистон барои таҳкими сулҳ баҳои баланд дод.

Дар мулоқот дар Исломобод ҷонибҳо таъкид карданд, ки вазъи низомиву сиёсӣ, иқтисодӣ ва иҷтимоии Афғонистон ба амнияти минтақа мустақиман таъсир мерасонад.
Сафири Ҷумҳурии Тоҷикистон Юсуф Шарифзода ва сардори Вазорати дифои Покистон Хоҷа Муҳаммад Осиф ҳамчунин масоили равобити Тоҷикистону Покистонро баррасӣ карданд.

Хоруғ бинобар заминлазаҳои пайпай шабзиндадорӣ кард.

Сокинони маҳаллӣ ба Sputnik Тоҷикистон гуфтаанд, пас аз такони шадид боз чанд зилзилаҳои заиф бо садоҳои баланд ба амал омадаанд.
Тибқи иттилои EMSC, маркази заминларза дар наздикии шаҳр дар умқи 12,3 км ҷойгир буда, қувваи зилзила 4,8 баллро ташкил додааст.

Мунтахаби Тоҷикистон дар раддабандии нави ФИФА мавқеяшро як зина аз даст дод.

Тибқи маълумоти нашркардаи созмони ҷаҳонии футбол дастаи мунтахаби футболи Тоҷикистон дар рейтинги нав ҳамакнун бо 1208 хол ҷойи 103-умро мегирад.
Гуфта мешавад, ки бохти ахири яккачини кишвар аз Лубнон дар “Ҷоми медрека” сабаби чунин уфт шудааст.
Пешсафи раддабандӣ тими миллии Аргентина (1889) боқӣ монда, ба сегонаи беҳтарин Фаронса (1851) ва Испания (1836) низ шомиланд.

Вабо ҷои маризии обилаи маймунро мегирад.

Дар бораи паҳншавии ин бемории хатарнок СҶБ бонги изтироб зад.
"Обхезиҳои шадиди ахир дар Африқои Марказӣ ва Ғарбӣ ва Осиёи Ҷанубу Шарқӣ хатари интиқоли бемории ваборо афзоиш додааст", - гуфтааст созмон.
Танҳо дар моҳи август шумораи гирифторон аз 50 ҳазор нафар гузашт ва дар маҷмӯъ аз аввали сол аллакай қариб 372 ҳазор нафарро ташкил додааст.

Кишварҳои ИДМ бояд масъалаҳои кайҳонро якҷоя ҳал кунанд.

Барои ин шумо метавонед, аз ҷумла, аз платформаи кумитаи дахлдори СММ истифода баред, гуфт директори департаменти ҳамкориҳои байналмилалии "Роскосмос".
"Мо бояд мушкилоти навро дар ин самт якҷоя ҳал кунем ва аз нерӯи мавҷудаи илмию техникии кишварҳои ИДМ истифода кунем", - шарҳ дод Татяна Тишенко.

Эмомалӣ Раҳмон дар вилояти Хатлон се иншооти муҳимро ба истифода дод:

Маркази ҷавонон. Бинои 7-ошёна буда, дар он утоқи маҷолис, толори варзишӣ, китобхона ва ва маркази забономӯзиву меҳмонхона хоҳад буд.
Театри мусиқӣ-драмавӣ. Бино 4 толори калон дошта, 1700 нафар тамошобинонро меғунҷонад.
Мактаб барои 3100 ҷойи нишаст. Он аз ҳисоби сокинон ва соҳибкорони ноҳия сохта мешавад. То соли хониши 2026-2027 омода мешавад.

Оё кишварҳои Осиёи Марказӣ ба таҳримҳои зидди Русия ҳамроҳ мешаванд?

Сафари ахири садри аъзами Олмон Олаф Шолтс ба минтақа натиҷае надод, ки Ғарб интизор буд, гуфт сиёсатшинос Ростислав Ишенко.
Раҳбарони кишварҳои Осиёи Марказӣ ҳатто аз баргузории нишастҳои матбуотии муштарак худдорӣ карданд, ки ин як сигнали рӯшан барои Русия шуд: ҳеҷ созишномаи махфӣ сурат нагирифтааст, афзуд коршинос.

Зӯри Байден ба Маскав нарасид.

Як узви Кумитаи умури хориҷии Иаҷлиси намояндагон гуфт, дар замони маъмурияти Ҷо Байден, ИМА натавонистааст алайҳи Русия ягон таҳрими муассир ҷорӣ кунад.
Дарелл Исса мӯътақид аст, ки маҳдудият дар интиқоли манобеъи энержии Русия ба бозори ҷаҳонӣ ягона навъи таҳримҳост, ки алайҳи Маскав кор мекунад, аммо мақомоти Амрико аз ӯҳдаи ин кор баромада натавонистанд.

Эмомалӣ Раҳмон бо Рустами Эмомалӣ ба Данғара рафт.

Ба гузориши котиботи раисҷумҳур, президент ва шаҳрдори Душанбе ба корҳои сохтмони бинои Маркази ҷавонон дар ноҳия оғози расмӣ бахшиданд.
Гуфта мешавад, ки бино 7 ошёна шуда, дар он Марказҳои ҷавонон, омӯзишиву тайёрии касбӣ, забономӯзӣ, китобхона, гӯшаи варзишӣ ва меҳмонхона ҷой дода мешавад.

"Равшан"-и Кӯлоб бозиро бо қаҳрамони Ҳиндустон - бошгоҳи "Моҳун Баган" мусовӣ (0:0) кард.

Ин рақобати марҳилаи гурӯҳии Лигаи қаҳрамонҳои дуюми Осиё буд, ки дар Калкута гузашт.
Ҳамин тариқ, ноибқаҳрамони Тоҷикистон бо ин мусовӣ дар сафар як имтиёз ба даст овард.

Тоҷикистон боз дар тамринҳои СПАД ширкат хоҳад кард.

Вазорати дифои Ҷумҳурии Қазоқистон хабар дод, ки аз 26 сентябр то 7 октябр дар тамрингоҳи "Берег"-и вилояти Алмаато "Бародарии тахрибнашуда -2024" баргузор мешавад.
Аллакай ба тамрингоҳ ворид шудани контингентҳои низомии кишварҳои узви СПАД шурӯъ кардаанд.