Çул çитсен кашни яшăн Тăван çĕршыв умĕнчи тивĕçе пурнăçламалла - çар ретне тăмалла. Сител каччисем мӗн авалтан ҫак ырӑ йӑлана хисеплесе яланах салтак ята чыслӑн тытса пыраҫҫӗ. Вӑхӑт ҫитсессӗн пурте ҫар тивӗҫӗсене пурнӑҫлама тӑрӑшаҫҫӗ.
Шӑпах паян та Сител клубӗнче харсӑр каччӑн, Степан Степановӑн, ӑсату каҫӗ иртрӗ. Унта пулас салтакӑн тӑванӗсем, юлташӗсем пуҫтарӑнчӗҫ. Маттур та пултаруллӑ каччӑна
Ирина Лякова культорганизаторпа Нина Соколова хӗрарӑмсен канашӗн пайташӗ, библиотекарь Оксана Хомуткина, Первомайски территори пайӗн ҫар ӗҫӗсен специалистчӗ Татьяна Васильева, ырӑпа кайса ырӑпах каялла таврӑнма сунчӗҫ. Салтак ятне чыслӑн упраса пыма ҫирӗп сывлӑх, телей пиллесе ӗлӗкрен пыракан йӑлапа алӑ шӑлли ҫактарса хисеп турӗҫ.
Ӑсату каҫӗнче Степанӑн тантӑшӗсем, тӑванӗсем те сӑмах каларӗҫ. Тӗрӗс-тӗкел таврӑнмашкӑн такӑр ҫул сунчӗҫ.
Ҫапла паянхи йывӑр саманаллӑ вӑхӑтра ҫар ретне тӑрассинчен пӑрӑнса ҫӳременни савӑнтарать. Ҫакӑ ҫамрӑксенче патриотлӑх туйӑмӗ аталанса пынине ҫирӗплетет.
Степан чӑннипех телейлӗ ҫул пултӑр сан! Ял ятне чыслӑн упраса каялла таврӑн!
Присоединяйтесь к ОК, чтобы подписаться на группу и комментировать публикации.
Комментарии 6